Tags-Travel

pahuñch ga.e sar-e-manzil jo ham-safar the 'falak
hamīñ taraste rahe gard-e-kārvāñ ke liye

chal diyā manzil kī jānib kārvāñ mere baġhair
apne hī shauq-e-safar ko ham-safar maiñ ne kiyā

aap hī apnā safar dushvār-tar maiñ ne kiyā
kyuuñ malāl-e-furqat-e-dīvār-o-dar maiñ ne kiyā

sitam hai 'kāzmī' ghar meñ bhī ab sabhī lamhe
garāñ guzarte haiñ ehsās par safar kī tarah

sabhī musāfir chaleñ agar ek ruḳh to kyā hai mazā safar kā
tum apne imkāñ talāsh kar lo mujhe parinde pukārte haiñ

makān-e-lā-makānī kā safar merā nahīñ ruktā
tumhārī yaad ko ab paañv kī zanjīr karnā hai

ik chāñd ko chhūne kī tamannā meñ huuñ pāgal
bādal sā uḌā jaatā huuñ ḳhvāboñ ke safar meñ

manzar mirī āñkhoñ meñ rahe dasht-e-safar ke
kuchh ret ke Tiile dar-o-dīvār haiñ ghar ke

lahroñ pe mire paañv jame haiñ ki safar meñ
hai shart Thaharnā ki zamīñ paañv se sar ke

kho.e hue logoñ kā surāġh ahl-e-safar ko
jalte hue ḳhemoñ kī nishānī se milā hai

use kah do ki ye ūñchā.iyāñ mushkil se miltī haiñ
vo sūraj ke safar meñ mom ke baazū lagātā hai

din kā safar to kaT gayā sūraj ke saath saath
ab shab kī anjuman meñ bikhar jā.iye janāb

vo kyā manzil jahāñ se rāste aage nikal jaa.eñ
so ab phir ik safar kā silsila karnā paḌegā

kahāñ phiroge ġhubār-e-safar ko saath liye
matā-e-dard ko dāman meñ le ke so jaao

najāt dhuup se miltī to kis tarah miltī
mirā safar to miyāñ dasht-e-be-shajar meñ thā

sochnā kyā hai abhī kār-e-nazar kā mā-hasal
ham to yuuñ ḳhush haiñ ki āġhāz-e-safar āñkhoñ kā hai

is shahr-e-nadāmat se jo aa.e haiñ palaT kar
dar-pesh nayā un ko safar hai ki nahīñ hai

manziloñ ne vaqār baḳhshā hai
rāste chal paḌe safar khole

lauT kar nuur kī kiran jaise
safar-e-lā-makāñ se aatī hai

pūchho na kis tarah se guzārī hai zindagī
maddham se ik diye ne havā meñ safar kiyā