Tags-Travel

rāste rāste gumāñ terā
aur tanhā karūñ safar kab tak

har qadam pe saath apne ḳhud ko dekhte haiñ ham
ham-safar koī apnā ab na dūsrā paayā

safar ko sānehe kā pairahan pahnā ke
chaurāhe ke bīchoñ-bīch istāda kiyā jis ne

badan pe koī zarā hai na haath meñ talvār
aur ashk-zār meñ sadiyoñ ke undulus kā safar

paañv kī dhuul bhī ban jaatī hai dushman apnī
ghar se niklo to phir aaise safar aate haiñ ka.ī

safar-e-shab kā taqāzā hai mire saath raho
dasht pur-haul hai tūfān hai aane vaalā

safar kī lazzat se baḌh ke manzil kā qurb to mo'tabar nahīñ hai
vo mil gayā aur maiñ abhī tak galī galī ḳhaak uḌā rahā huuñ

rañg-o-rāmish zamzame gul-hā-e-tar hote hue
dil akelā aur itne ham-safar hote hue

gurezāñ thā magar aisā nahīñ thā
ye merā ham-safar aisā nahīñ thā

luTā zauq-e-safar bhī kārvāñ kā aise lagtā hai
sunā har taaza pesh-āhañg kā shor-e-darā ham ne

thakan utaar rahe the na.e safar ke liye
safar se aa.e hue rāhgīr jitne the

us ke aage mujhe be-samt-o-nishāñ jaanā thā
maiñ ne samjhā thā safar āḳhirī patthar tak hai

vo merī ham-qadam hone na paa.ī
jo merī ham-safar kar dī ga.ī hai

shelf par rakkhī kitābeñ sochtī haiñ raat din
ghar se daftar kā safar kitnā suhānā ho gayā

ik dasht-e-be-amāñ meñ safar kar rahe the ham
sāñseñ ukhaḌ ga.iiñ kabhī rasta badal gayā

ab ḳharābī se haiñ dar-o-dīvār
ab jaras jāda-e-safar se hai

is manzil-e-jahāñ ke bāshinde raftanī haiñ
har ik ke haañ safar kā sāmān ho rahā hai

miltī rahegī ḳhvāb kī sauġhāt ḳhvāb meñ
hotā rahegā tai safar apnā samajh liyā

vaqt aajil hai safar tuul hai dam āñkhoñ meñ
ruḳh-e-jānāñ se naqāb ab to uThā dī jaa.e

kaun jaane kahāñ kahāñ jā.ūñ
ham-safar ab ke hai safar merā