Tags-Tribute

kisht-e-dil fauj-e-ġham ne kī tārāj
tis pe tū māñgne ḳhirāj aayā

vo junūñ jo āb-o-ātish ko asiir kar chukā thā
vo ḳhalā kī vus.atoñ se bhī ḳhirāj le rahā hai

varna sīdhe se adā kar de sharāfat kā ḳhirāj
aur āzādī kī ḳhvāhish hai to baḌh elaan kar

ye kis ne ham se lahū kā ḳhirāj phir māñgā
abhī to so.e the maqtal ko surḳh-rū kar ke

phir is ke ba.ad hamesha hī chup rahe 'mohsin'
ḳhirāj denā paḌā arz-e-hāl karne kā

maiñ to ik gahre samundar meñ utar jaane ko huuñ
tū ḳhirāj-e-ashk le kar ab agar aayā to kyā

qadreñ bhaTak rahī haiñ abhī khañDarāt meñ
ham ahd-e-irtiqā se vasūleñ ḳhirāj kyā

mirī ridā.eñ kanīzoñ meñ baañT diiñ jis ne
ḳharāj-e-sāya-e-dīvār us se kyā chāhūñ

kuchh aisī thī kashish mujh meñ ḳhirāj-e-husn bhī paayā
huā mash.hūr maiñ ishq-o-mohabbat kā ḳhudā ho kar

sho.ala-e-gul ne liyā dāman-e-gulchīñ se ḳhirāj
ḳhud bahāroñ ko bhī ehsās-e-ḳhizāñ hone lagā

mirī zabān ne paayā hai ābloñ kā ḳhirāj
jo bhuul ke bhī kabhī naam le liyā terā

nigār-e-fan hai ki māñgtī hai lahū se har-dam ḳhirāj apnā
hamārā kyā saath de sakeñgī jo shohrateñ be-kamāl kī haiñ

tamām umr lahū kā ḳhirāj baḳhsheñge
rahegā tauq-o-salāsil se vāsta kab tak

sab ḳhirāj-e-misr de kar thā zuleḳhā ko ye soch
mol yūsuf se pisar kā kārvāñ ne kyā kahā

terā vo husn hai ki jo hotā to bhejtā
yūsuf zamīn-e-misr se tujh ko ḳhirāj aaj

maut bhī letī rahī apnā ḳhirāj
kārobār-e-zīst bhī chaltā rahā

ye niiñd letī hai 'aḳhlāq' vo ḳhirāj ki bas
jo ḳhuub sote haiñ ho kar ḳharāb jāgte haiñ

ye kis ne ham se lahū kā ḳhirāj phir māñgā
abhī to so.e the maqtal ko surḳh-rū kar ke

shāh-e-ḳhūbāñ ke vāste hargiz
ġhair-az-dil koī ḳhirāj nahīñ