Tags-Ummeed

ummīd kar chukā thā na.e saal se bahut
ik aur zaḳhm de ke december chalā gayā

bahī-ḳhvān-e-karam se hai sadā ummīd 'chandā' ko
kisī kī bhī na ho muhtāj tum se ye tamannā hai

yāqūb qat.a kar deñ ummīd-e-vasl dil se
yūsuf sā banda koī āzād kyā karegā

be-qarārī thī sab ummīd-e-mulāqāt ke saath
ab vo aglī sī darāzī shab-e-hijrāñ meñ nahīñ

zindagī merī huī hai phir niDhāl
ye umīd-e-be-sabātī kā kamāl

'parvīñ' lagī huī hai ḳhudā se mujhe umiid
dil ko mire banā.e na apnā ġhulām hirs

girāñ thā sāqi-e-daurāñ pe ek sāġhar bhī
to kis umiid pe ham ḳhvāhish-e-subū karte

qat.a ummīd ne dil kar diye yaksū sad shukr
shakl muddat meñ ye allāh ne dikhlā.ī hai

yakāyak phir charāġh ummīd ke hone lage raushan
ye sub.h-e-roz-e-mahshar hai ki shām-e-sub.h-e-hastī hai

kis mulāqāt kī ummīd liye baiThā huuñ
maiñ ne kis din pe uThā rakkhī haiñ saarī bāteñ

maiñ apnī kashtī-e-ummīd se nahīñ māyūs
phaTā purānā sahī phir bhī bādbān to hai

yuuñ niiñd se kyuuñ mujhe jagā kar charāġh-e-ummīd phir jalā kar
huī sahar to use bujhā kar havā ke jaisā guzar gayā vo

pahuñchā diyā umiid ko tūfān-e-yās tak
bujhne na dī furāt ne bachchoñ kī pyaas tak

Duubī zavāl-e-shām ke hamrāh har ummīd
palkoñ se TuuT kar jo girā thā so ḳhvāb thā

dil-bastagī kī us se koī kyā kare umiid
jo kheltā rahā ho dil-e-pā.emāl se

mohabbat ne chhoḌā ye turfa shagūfa bahār-e-javānī bhī dil ne na dekhī
abhī phūlne-phalne ke din kahāñ the magar kaT ga.ī naḳhl-e-ummīd kī jaḌ

mire dil ke hāthoñ se bahr-e-vafā meñ mirī zindagī meñ na ho jaa.e gaḌbaḌ
kabhī kasrat-e-rañj-o-ġham kā thapeḌā kabhī josh-e-ummīd-o-hasrat kī ojhaḌ

vahī kunj-e-qafas hai aur ham haiñ
vahī ummīd kā jaltā diyā hai

mālūm nahīñ kis vaqt ye kyā bartāv kisī se kartī hai
duniyā se koī ummīd na rakh māyūs na ho duniyā hī to hai

umiid un se vafā kī to ḳhair kyā kiije
jafā bhī karte nahīñ vo kabhī jafā kī tarah