Tags-Ummeed

fā.eda gul kā na mujh se hai na saa.e kī umiid
kah do dahqāñ se ki ba-hūda na bove mujh ko

sub.h ko dekh le is sham.a kā anjām koī
jis ne phūñkā shab-e-ummīd meñ parvāne ko

maiñ ab kisī kī bhī ummīd toḌ saktā huuñ
mujhe kisī pe bhī ab koī e'tibār nahīñ

ummīd se kam chashm-e-ḳharīdār meñ aa.e
ham log zarā der se bāzār meñ aa.e

jo mirī shaboñ ke charāġh the jo mirī umiid ke baaġh the
vahī log haiñ mirī aarzū vahī sūrateñ mujhe chāhiyeñ

haath to kaaT diye kūza-garoñ ke ham ne
mo.ajize kī vahī ummīd magar chaak se hai

jis ke aane kī ummīd thī
vo satātā rahā raat bhar

bistar-e-shab pe taḌapte hī guzar jaa.e magar
dast-e-ummīd meñ dāmān-e-sahar rahtā hai

adam bahut hī agar rūThne lagī ummīd
kisī ke va.ade pe phir e'tibār kar lūñgā

dil terī jafā se TuuT chukā ab chashm-e-karam aa.ī bhī to kyā
phir le ke isī TuuTe dil ko ummīd dobārā kaun kare

milne ko zarūr ā.eñge ik roz dar-o-bām
mujh ko isī ummīd ne dīvār kiyā hai

un se karam kī rakh ummīd un kī atā se pyaar kar
ai dil-e-mubtalā-e-ġham ġham ko bhī ḳhush-gavār kar

ummīd kā ik peḌ ugaa.e nahīñ ugtā
ḳhud-rav hai magar zehn meñ shub.hāt kā jañgal

kahāñ kahāñ na hue māh-rū judā mujh se
kahāñ kahāñ mirī ummīd kā mazār nahīñ

kise umiid thī aaoge tum dam-e-āḳhir
baḌā kamāl kiyā tum ne aa ke dekh liyā

talab āsūdgī kī arsa-e-duniyā meñ rakhte haiñ
umīd-e-fasl-e-gul hai aur qadam sahrā meñ rakhte haiñ

kaun thā jis ne rakhī tujh se ummīd
haañ to vo shaḳhs mujhī sā hogā

muflisī aur is meñ ghar par ham-nashīnoñ kā hujūm
tīrgī meñ yaas kī dhundlā gayā husn-e-umīd

yās-o-umīd-o-shādī-o-ġham ne dhuum uThā.ī siine meñ
ḳhuub mujhe hai aaj dhamā-dham mār-kuTā.ī siine meñ

aqd-e-sānī kī jin ko ḳhvāhish ho
un kī ummīd kā sitārā hai