Tags-Ummeed

raushan kiyā umiid ne yuuñ jāda-e-hayāt
har gaam pe charāġh sā jaltā chalā gayā

umiid jin se thī vaz-e-junūñ nibhāne kī
vo log vaqt ke sāñche meñ Dhal ga.e kaise

chhuTī ummīd to maiñ hāl-e-dil kahne se kyuuñ Dartā
masal mash.hūr hai sarkār martā kyā nahīñ kartā

us ke aane kī ab ummīd nahīñ hai raushan
phir bhī darvāza-e-dil hai ki khulā rahtā hai

bīm-o-ummīd se kis tarah nikal jā.ūñ ki dil
na Thahartā hai jahāñ meñ na fanā hotā hai

nigār-e-sub.h kī ummīd meñ pighalte hue
charāġh ḳhud ko nahīñ dekhtā hai jalte hue

jānte hoñ umīd-vār mujhe
un se ye bhī mujhe umiid nahīñ

havā-e-yās ne sham-e-umīd gul kar dī
kisī se ab koī shikva bhī barmalā na rahā

in se ummīd na rakh haiñ ye siyāsat vaale
ye kisī se bhī mohabbat nahīñ karne vaale

muddatoñ se yahī aalam na tavaqqo na umiid
dil pukāre hī chalā jaatā hai jānāñ jānāñ

kabhī to merī bhī sunvā.ī hogī mahfil meñ
maiñ ye umiid liye baar baar jaatā rahā

vaañ kis ummīd pe phir jaa.e koī
ai dil us baat ko kyā bhuul gayā

isī ummīd pe har shaam bujhā.e haiñ charāġh
ek taarā hai sar-e-bām ubharne vaalā

tab jā ke lagā pāoge dil apnā ḳhizāñ se
pahle to is ummīd-e-bahārāñ ko nikālo

ummīd-e-vafā ke pesh-e-nazar maiñ un kī jafā.eñ bhuul gayā
hai mustaqbil par aañkh mirī maazī ko bhulātā jaatā huuñ

jaan ik but pe fidā karte ho kyā karte ho
phir bhī ummīd-e-vafā karte ho kyā karte ho

abhī umiid kī sarsoñ kahīñ na phūlī
basant kā hai zamāne ko intizār abhī

hasrat-e-dīd meñ guzarāñ haiñ zamāne kab se
dasht-e-ummīd meñ gardāñ haiñ divāne kab se

aarzū hai ki shab-e-qadr ho yā shām-e-ummīd
kuchh dikhā.e na ḳhudā tere dikhā kar gesū

dil-e-muztar ko ab ummīd-e-mulāqāt nahīñ
yaad terī magar ai dushman-e-jāñ baaqī hai