Tags-Ummeed

ye shab ummīd-e-sahar meñ guzār dī lekin
sahar se tā-ba-shab intizār kyā hogā

jise bhī dekhiye apnī anā kā maarā hai
umiid kis se rakhe koī daad paane kī

ḳhush hai ummīd-e-ḳhuld par 'hālī'
koī pūchhe ki kyā kiyā tū ne

ham vafā kī umiid kyā rakkheñ
kis meñ hogī jo aap hī meñ nahīñ

hārtā bhī nahīñ ġham-e-daurāñ
zid pe ummīd bhī aḌī huī hai

umīd-o-bīm ke mehvar se haT ke dekhte haiñ
zarā sī der ko duniyā se kaT ke dekhte haiñ

dard ġham ashk aur māyūsī
terī ummīd sab pe bhārī hai

kabhī kabhī nazar aa.ī umiid bhī 'shahzād'
hamārā vaqt kabhī ek sā nahīñ guzrā

kis tavaqqo pe 'ashk' ham jiite
gar na hotī umiid marne kī

jis kī ummīd pe sar phoḌ rahī hai duniyā
kahīñ is āhanī dīvār meñ vo dar hī na ho

mujhe dushman se bhī ḳhuddārī kī ummīd rahtī hai
kisī kā bhī ho sar qadmoñ meñ sar achchhā nahīñ lagtā

shahr-e-ummīd mujh se vāqif hai
is liye karr-o-far se miltā huuñ

aaj phir dāman-e-umīd mirā
ho gayā taar taar gulshan meñ

vo kah to ga.e haiñ ki ham āveñge sahar tak
ummīd hai jiine kī kise chār-pahar tak

umiid yaas ke gahre ḳhamosh jañgal meñ
havā-e-shām kī mānind sarsarātī hai

duniyā kā tamāshā dekh liyā ġhamgīn sī hai betāb sī hai
ummīd yahāñ ik vahm sī hai taskīn yahāñ ik ḳhvāb sī hai

ummīd kī jhūTī jannat ke rah rah ke na dikhlā ḳhvāb hameñ
ā.inda kī farzī ishrat ke va.adoñ se na kar betāb hameñ

phir dekh ke sāhab jī usī ḳhaas nazar se
ummīd ke ġhunchoñ ko khilā kyoñ nahīñ dete

tum to DhūñDā kiye ummīd-o-yaqīñ meñ us ko
dil kī har ḳhvāhish-e-nākām meñ paayā ham ne

ābla-pā.iyāñ kartī thiiñ agar dil-shikanī
hausla phir rah-e-ummīd ko vā kartā thā