Tags-Ummeed

duā.eñ kījiye ġhunchoñ ke muskurāne kī
abhī umiid hai baaqī bahār aane kī

bahr-e-ummīd gar use phailā.ūñ sū-e-yār
dāmān-e-dasht tañg ho dāmāñ ke sāmne

ḳhatā-kārī mirī ummīd-vār-e-dāman-e-rahmat
magar muftī to qur.ān o buḳhārī le ke niklā hai

umiid un se vafā kī to ḳhair kyā kiije
jafā bhī karte nahīñ vo kabhī jafā kī tarah

ummīd-e-visāl ab kahāñ hai
us gul se ba-rañg-e-bū judā huuñ

kyuuñ phir ga.iiñ kambaḳht kī āñkheñ dam-e-āḳhir
rakhte the bahut ġhair se ummīd-e-vafā aap

is ahd-e-ḳhizāñ meñ kisī ummīd ke mānind
patthar se nikal aa.uuñ magar abr to barse

nā-qadr se hī qadr kī ummīd hai abas
o be-vafā ḳhajil hue apnī vafā se ham

isī ummīd par to kaaT liiñ ye mushkileñ ham ne
ab is ke ba.ad to ai 'shād' āsānī meñ rahnā hai

dar-e-umīd se ho kar nikalne lagtā huuñ
to yaas rauzan-e-zindāñ se aañkh mārtī hai

ġhairoñ se mehrbānī kī ummīd kyā kareñ
ham par to aap kī bhī ināyat huī nahīñ

ai daur-e-siyāsat ahd-e-zabūñ 'jarrār' se ye ummīd na rakh
us dar pe jhukā dī peshānī haath us ke aage joḌ diye

ik vāda-e-fardā kī ummīd pe zinda huuñ
ai kaash kisī sūrat ye raat guzar jaa.e

mire saa.e mire naqsh-e-qadam par mat chalā kar tū
umīd-e-rahbarī bhaTke hue logoñ se kyā rakhnā

huā ke ruḳh se pur-ummīd thā bahut gulshan
par ab ke bhī shajar be-samar nasīb huā

tū na miltā magar allāh re mahrūmi-e-shauq
jiine vaale tirī ummīd meñ mar bhī na sake

qat.a ummīd ho to sabr aa.e
roz ik intizār rahtā hai

kisī umiid kā maarā dikhā.ī detā thā
vo ḳhush-nasīb parinda jo zer-e-dām aayā

merī ummīd meñ hai yaas kī sūrat muzmar
merī hastī hai fanā misl-e-ḳhat-e-āb mujhe