Tags-Ummeed

māyūs na kar de kahīñ un kī nigah-e-garm
ummīd dilā.ī hai mujhe sāda-dilī ne

ye aur aur baat phir gayā paanī ummīd par
ham un kī bazm meñ kisī ummīd par ga.e

vo aa ga.e to jal uThe ummīd ke charāġh
vo hans diye to bazm meñ motī bikhar ga.e

ishq tajdīd kar ke dekhte haiñ
phir se ummīd kar ke dekhte haiñ

mare zamāne meñ phal nahīñ haiñ faqat aḳhzāñ ke zavāl haiñ aur aise tūfāñ ki dekhte dekhte hazāroñ
daraḳht jaḌ se ukhaḌ ga.e haiñ ummīd nā-āshnā diloñ meñ

kalī pe rañg guloñ par nikhār bhī to nahīñ
bahār ḳhaak umīd-e-bahār bhī to nahīñ

ummīd kī sūkhtī shāḳhoñ se saare patte jhaḌ jā.eñge
is ḳhauf se apnī tasvīreñ ham sāl-ba-sāl banāte haiñ

yuuñ khilā apnā ye gul-e-ummīd
ki sadā dil ye dāġh-e-yās rahā

soch le ye bhī har ummīd se pahle ai dil
ye sahārā tirī ġhairat ke munāfī to nahīñ

ek ummīd thī so ḳhāk-basar baiTh ga.ī
ek do-rāhe pe hairān huuñ kis samt baḌhūñ

aamad kī sun ke kholī thī bīmār-e-ġham ne aañkh
tum aa ga.e umīd-e-shifā aur ho ga.ī

yās-o-ummīd ke mābain huī ḳhatm hayāt
ek ne shaad kiyā ek ne nāshād kiyā

kisī fard-e-mohabbat se bhalā ummīd kyā rakhnā
mohabbat bevafā thī bevafā hai bevafā hogī

kaise ḳhāmosh añdheroñ meñ chhupe baiThe haiñ
aise andher ki ummīd-e-sahar le Duube

shajar-e-ummīd bhī jal gayā vo vafā kī shāḳh bhī jal ga.ī
mire dil kā naqsha badal gayā mirī sub.h raat meñ Dhal ga.ī

un se ummīd-e-mulāqāt ke ba.ad ai 'maḳhmūr'
muddatoñ tak na ḳhud apne se mulāqāt huī

kaTegī kis ummīd par zindagī
agar terā ġham bhī judā ho gayā

is tarah kaise ho 'ajmal' chāra-e-dil kī ummīd
dard apnā āḳhirī had se guzartā hī nahīñ

us ke dīdār kī ummīd kahāñ
jab ki hai diid ko nazar darpesh

isī ummīd par kaaTā safar tārīk rāhoñ kā
na jaane kaun se gumbad se vo mah-rū nikal aa.e