Tags-Ummeed

isī ummīd pe duniyā ko ham ne chhoḌ diyā
sukūn dil ko milegā tirī panāhoñ meñ

jab un ke aane kī ummīd hī nahīñ 'arshad'
to phir nigāheñ ḳhalāoñ meñ kyuuñ bhaTaktī haiñ

us se jalā ke ġhair ko ummīd-e-puḳhtagī
lag jaa.e aag dil ke ḳhayālāt-e-ḳhām ko

muntazir aañkh ko māyūs na hone denā
ḳhud ko ummīd ke raste pe biThā.e rakhnā

ḳhil.at kī kyā umiid rakheñ āsmāñ se ham
us ne to daab rakkhā hai apnā kafan hanūz

ummīd TūTne lagtī hai jab bhī koī 'salīm'
to ik yaqīñ pas-e-vahm-o-gumāñ bulātā hai

zāhid is ummīd par milnā hasīnoñ se na chhoḌ
ḳhuld meñ nādān tere hī liye kyā huur hai

un se rakhiye na kisī mehr-o-vafā kī ummīd
ye to aise haiñ ki sūraj ko syāhī deñge

garche mohlik thā magar insāf kī ummīd par
muddatoñ ik zaḳhm qātil ko sadā detā rahā

vo aa ga.e lo vo jī uThā maiñ adū kī ummīd-e-yās Thahrī
ajab tamāshā hai dil-lagī hai qazā khaḌī haath mal rahī hai

kisī kī bazm-e-tarab meñ hayāt baTtī thī
umīd-vāroñ meñ kal maut bhī nazar aa.ī

marsiya apnā sunā.ūñ shahr-e-nā-pursāñ ke beach
pattharoñ se aur kyā ummīd-e-ġham-ḳhvārī karūñ

nashāt-e-umr ko ummīd par nisār na kar
visāl-e-sub.h-e-qayāmat kā intizār na kar

kis se ho phir ummīd ki tār-e-nazar mirā
ḳhud jā ke mil gayā saf-e-mizhgān-e-yār meñ

hāsil-e-zīst hai kyā mai-kada-e-hastī meñ
talḳhī-e-bāda-e-ummīd gavārā karnā

judā.ī to muqaddar thī mujhe ehsās thā lekin
kaf-e-ummīd par phir bhī sharāra rakh liyā maiñ ne

isī ummīd meñ bāñdhe hue haiñ TakTakī mai-kash
kaf-e-nāzuk pe saaqī rakh ke ik din jaam aa.egā

aahaT ho qufl khulne kī darvāza baaz ho
āñkhoñ ko ab yaqīñ hai ye ummīd-e-ḳhām hai

raat bhārī kaTī shāyad ga.e din lauT aa.e
shams' ne parcham-e-ummīd-e-sahar kholā hai