Tags-Ummeed

abhī umiid na.ī vus.atoñ kī qaa.em hai
abhī vo lauT ke aayā nahīñ safīne par

isī ummīd par ban-bās kāTeñ
hameñ bhī ek din ghar lauTnā hai

taaza o ġhamnāk rakhte aas aur ummīd kī sab koñpaloñ ko
aur phir hamrāhī-e-bād-e-shabāna ke liye mahtāb hote

ishq meñ har tamannā-e-qalb-e-hazīñ surḳh aañsū bahā.e to maiñ kyā karūñ
nā-umīdī hama-vaqt ummīd ke hāshiyoñ ko miTā.e to maiñ kyā karūñ

ab tum ko jis ḳhulūs kī ham se umiid hai
muddat huī vo nazr-e-dil-e-dostāñ huā

udhar thā lutf-o-karam un kā is taraf thā itaab
charāġh umiid kā raushan kiyā bujhā bhī diyā

ik ummīd ko ham ne akasr ḳhalvat meñ
ek adhūrī mūrat gaḌhte dekhā hai

sham-e-ummīd jalā baiThe the
dil meñ ḳhud aag lagā baiThe the

terā is baar mujhe dekhnā bantā hai dost
itnī ummīd se har baar nahīñ dekhtā maiñ

vo mere zaḳhm ko nāsūr kar ga.e āḳhir
maiñ pur-umīd thā jin se appeal karte hue

mish.al-e-ummīd thāmo rahnumā jaisā bhī hai
ab to chalnā hī paḌegā rāstā jaisā bhī hai

panāh miltī na ummīd-e-be-vafā ko kahīñ
havas-nasīb agar tark-e-ārzū karte

us se ummīd ye karte ho ki sūraj kā tavāf
vo to mehvar pe bhī gardish nahīñ karne degā

ghar kī vīrāniyāñ le jaa.e churā kar koī
isī ummīd pe darvāza khulā rakkhā hai

kaT ga.iiñ sadiyāñ isī mauhūm sī ummīd par
āsmāñ se hogā rahmat kā nuzūl ab ke baras

ab na koī ḳhauf dil meñ aur na āñkhoñ meñ umiid
tū ne marg-e-nā-gahāñ bīmār achchhā kar diyā

ummīd TuuTī huī hai merī jo dil mirā thā vo mar chukā hai
jo zindagānī ko talḳh kar de vo vaqt mujh par guzar chukā hai

kam sahī iltifāt-e-dost magar
merī ummīd se ziyāda hai

isī ummīd meñ betābi-e-jāñ baḌhtī jaatī hai
sukūn-e-dil jahāñ mumkin ho shāyad vo maqām aa.e

burīda-sar paḌā hai kushta-e-ummīd sahrā meñ
udāsī ḳhaak par baiThī huī āñchal bhigotī he