Tags-Ummeed

māyūsī ke aalam meñ bhī ai 'ḳhurshīd'
ham ne ik umiid kā rasta pahan liyā thā

bahut tavīl shab-e-ġham hai kyā kiyā jaa.e
umīd-e-sub.h bahut kam hai kyā kiyā jaa.e

ab magar yaad nahīñ kyā thā ma.āl-e-ummīd
ek tahrīr hai halkī sī lahū kī baaqī

ahbāb se ummīd hai bejā mujh ko
ummīd-e-atā-e-haq hai zebā mujh ko

sochā thā harīm-e-jānāñ meñ naġhma koī ham bhī chheḌ sakeñ
ummīd ne sāz-e-dil kā magar jo taar bhī chheḌā TuuT gayā

barbād dil kā āḳhirī sarmāya thī umiid
vo bhī to tum ne chhīn liyā mujh ġharīb se

rahrav-e-manzil ne ban kar markaz-e-yās-o-umīd
manzileñ lākhoñ banā liiñ apnī manzil ke qarīb

sahārā jab diyā hai kuchh ummīd-e-vasl ne aa kar
to uTh kar bistar-e-ġham se tire bīmār baiThe haiñ

'arsh' maiñ ḳhud huuñ sadā apne sukūñ kā dushman
dasht-e-ummīd bhī bar-dosh-e-havā rakhtā huuñ

jab sar meñ havā-e-tā.at thī sarsabz shajar ummīd kā thā
jab sar-sar-e-isyāñ chalne lagī is peḌ ne phalnā chhoḌ diyā

bas-ki dil meñ rahī ik kashmakash yās-o-ummīd
dard jo dil meñ rahā jaan se bezār rahā

maiñ sarmad o mansūr banā huuñ tirī ḳhātir
ye bhī tirī ummīd se kam hai to mujhe kyā

mast umañgoñ ke jhoñke aur faaqa mastī kā aalam
hasrat kī tez havā.eñ bhī ummīd kī ātish-bārī bhī

kis se ummīd kareñ koī ilāj-e-dil kī
chārāgar bhī to bahut dard kā maarā niklā

ik nuur sā phailā rahā us samt se is samt
jugnū mirī ummīd kī pahchān thā kal shab

gardish meñ zamāna hai har pal ummīd pe duniyā hai qaa.em
kal jin se the sahme sahme se ham, haiñ aaj vo larzāñ larzāñ bhī

jannat o dozaḳh se kyā ummīd-o-bīm
hasrateñ sī hasrateñ haiñ jaan meñ

mauj-e-nafas ke saath rahe rishta-e-ummīd
dhaḌkā sā varna rahtā hai har-vaqt jaan kā

tirī umiid pe shāyad na ab khare utreñ
ham itnī baar bujhe haiñ ki jalnā bhuul ga.e

sab nā-ummīd ho ke zamāne se jā mile
ahl-e-vafā kā aaj koī rāz-dāñ nahīñ