Tags-Ummeed

umīd-e-vasl meñ so jaa.eñ ham kabhī jo 'zafar'
to apnī ḳhvāb-sarā meñ patañg uḌtī hai

saa.e kī ummīd thī tārīkiyāñ phailā gayā
jo shajar phūTā zamīñ se biij hī ko khā gayā

kuchh ham bhī aap se ummīd-e-lutf rakhte haiñ
udhar bhī ek uchaTtī nazar zarūrī hai

ḳhūn-e-ummīd huā ḳhūn-e-tamannā gaahe
dil chhalaktā hī rahā mai ke piyāloñ kī tarah

tū us kā tamannā.ī hai mat Dar dil-e-nādāñ
ummīd nahīñ phir bhī vo kahtā hai to mar dekh

akasr lab-e-la.alīñ ke tabassum kī kiran ne
ummīd ke ḳhākoñ meñ nayā rañg bharā bhī

usī ke saath chaltā hai koī ummīd kā jugnū
ki jis ke dil meñ bhī koī charāġh-e-ishq jaltā hai

rizq kī justujū meñ kise thī ḳhabar tū bhī ho jā.egā rā.egāñ yā aḳhī
terī āsūda-hālī kī ummīd par kar ga.e ham to apnā ziyāñ yā aḳhī

sham-e-mahfil kā baqiyyā hai faroġh-e-ummīd
shaam se jis kā ye aalam ho sahar kyā legā

ek dūsre se kab saare sayyāre Takrāte haiñ
pur-ummīd bahut huuñ aise hādsāt ke baare meñ

ummīd-e-vasl-e-yār meñ shab kaaT dī to kyā
din Dhal gayā to niiñd se bedār kyā hue

jal gayā jab yaas ke sholoñ se saarā tan 'zakī'
tab kahīñ ummīd kā dhundlā nishāñ raushan huā

fitna-ārā shorish-e-ummīd hai mere liye
nā-ummīdī rāhat-e-jāved hai mere liye

thī jis charāġh se qaa.em mirī umīd-e-sahar
havā ne us ko bujhāyā to aañkh bhar aa.ī

zindagī kis se ab ummīd-e-mudāvā rakkhe
dushman-e-jāñ to mirā apnā masīhā niklā

aaj to jaanī rasta takte shaam kā chāñd padīd huā
tū ne to inkār kiyā thā dil kab nā-ummīd huā

abhī un ke karam kī baat apne husn-e-zan tak hai
magar ummīd-vārān-e-karam bahke hue se haiñ

paanī nahīñ mazīd mayassar se kyā ba.iid
jinping se kyā umiid narendr se kyā ba.iid

tavaqquāt ke jaadū kā zor to TuuTā
shikast aaj tilism-e-umīd-o-yās huā

vāda-e-vasl se hai naash pe aane kī ummīd
muzhda-e-qatl mirā mujh ko sunā kar uTThe