English
Favourite
Favourite
UrduShayarUrduShayar
Expand menu
Sign inAccount

Tags-Ummeed

rahe ḳhamosh to TuuTā na rishta-e-ummīd
pukārte to ḳharāboñ meñ koī thā bhī nahīñ
Ghazal
 kahan hun main ki mera koi aashna bhi nahin
us kī ummīd naaz kā mujh se ye maan thā ki aap
umr guzār dījiye umr guzār dī ga.ī
Ghazal
 nashsha-e-shauq-e-rang mein tujhse judai ki gai
kyā vo gumāñ nahīñ rahā haañ vo gumāñ nahīñ rahā
kyā vo umiid bhī ga.ī haañ vo umiid bhī ga.ī
Ghazal
 nashsha-e-shauq-e-rang mein tujhse judai ki gai
ahbāb se rakhtā huuñ kuchh ummīd-e-sharāfat
rahte haiñ ḳhafā mujh se bahut log isī se
Ghazal
 ek roz hue the kuchh ishaaraat KHafi se
huuñ tā.ir-e-be-bām charāġh-e-sar-e-sahrā
ummīd-e-karam hai na mujhe shikva-e-bedād
Ghazal
 hum shahr mein ek shama ki KHatir hue barbaad
rahī na yāroñ se ummīd ġham-gusārī kī
ghar aa.e girya kiyā aa.ine se bāteñ kiiñ
Ghazal
 kabhi to KHwab kabhi ratjage se baaten kin
koī jugnū koī taara nahīñ lagtā raushan
zulmat-e-shab meñ jab ummīd-e-sahar TūTtī hai
Ghazal
 yun teri chap se tahrik-e-safar TuTti hai
kyā ajab us par mahak hī jaa.eñ darmāñ ke gulāb
hai to ik shāḳh-e-nazar ummīd kī koñpal liye
Ghazal
 dhup mein baiThe hain bachche hath mein chhagal liye
bas guzarte chale jaate haiñ mah-o-sāl-e-umīd
do-ghaḌī gardish-e-ayyām Thahartī bhī nahīñ
Ghazal
 yaad uski hai kuchh aisi ki bisarti bhi nahin
paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ
Unpublished Ghazal
 چشم گریاں بسمل شوق بہار دید ہے
ba-pesh-e-jur.at-e-tark-e-ummīd-e-yās fazā
bisāt-e-ālam-e-ummīd-e-āñ to kuchh bhī nahīñ
Ghazal
 sar-e-nigah bisat-e-jahan to kuchh bhi nahin
vasl kī ummīd baḌhte baḌhte thak kar rah ga.ī
sub.h-e-kāzib aur kyā kartī chamak kar rah ga.ī
Ghazal
 wasl ki ummid baDhte baDhte thak kar rah gai
dūsrī jānib añdherā hai to kis ummīd par
jāgtī āñkhoñ ko rakh aa.e shigāf-e-dar meñ ham
Ghazal
 kho gae yun kar-KHane ya kisi daftar mein hum
judā maiñ ḳhud se karūñ tujh ko kis tarah ummīd
tire sivā to mirā koī ham-safar bhī nahīñ
Ghazal
 wafa ki rah mein dushwar go safar bhi nahin
maiñ kis ummīd pe dāman kisī kā thaam luuñ 'aḳhtar'
ki sab se dostī meñ ab ḳhasāre ek jaise haiñ
Ghazal
 yahan mausam bhi badlen to nazare ek jaise hain
aarzū hasrat aur ummīd shikāyat aañsū
ik tirā zikr thā aur biich meñ kyā kyā niklā
Sher
 aarzu hasrat aur ummid shikayat aansu
dil-bastagī ke vāste dil ko lagāyā thā
ummīd hasratoñ ne ik āzār kar diyā
Ghazal
 jalwon ka un ke dil ko talab-gar kar diya
ḳhud apne haath se apnā vajūd chaak kiyā
yahī ummīd ki tū aa.egā rafū karegā
Ghazal
 sukut toDega aankhon ko aabju karega
log kyā saada haiñ ummīd-e-vafā rakhte haiñ
jaise ma.alūm nahīñ un ko haqīqat terī
Sher
 log kya sada hain ummid-e-wafa rakhte hain
ek yaḳh-basta udāsī hai dil o jaañ pe muhīt
ab mirī ruuh meñ baaqī hai na umiid na josh
Nazm
 shikast
Top Urdushayar.com