Tags-Ummeed

isī umiid pe ham din ḳhizāñ ke kāTte haiñ
kabhī to bād-e-bahār aa.egī chaman kī taraf

āḳhirī ummīd bhī āñkhoñ se chhalkā.e hue
kaun sī jānib chale haiñ tere Thukrā.e hue

kyā kisī ummīd par phir se dar-e-dil vā karūñ
tujh se baḌh kar ḳhud batā merā shanāsā kaun thā

ummīd par hamārī ye duniyā kharī nahīñ
phir bhī to us ko paane kī ḳhvāhish mirī nahīñ

bām-e-ummīd se palTī huī nākām duā
bāryābī kā koī aur hunar māñge hai

us se dil ḳhaak ho ummīd-e-husūl-e-matlab
jis se ik bose pe sau tarah kī takrār rahe

koī ummīd na jis baat kī thī kaise huī
kaise pathrā.ī huī aañkh meñ aañsū aa.e

yuuñ huā ruḳhsat rahī baaqī na milne kī umiid
yuuñ milā vo jaise muddat kā koī bichhḌā milā

magar ai bahā-e-umīd-e-dil
tirī zindagī bhī qalīl hai

hazār baar huā yuuñ ki jab umiid ga.ī
guloñ se rābta TuuTā na ḳhaar apne rahe

jahāñ kī kā.enāt kyā hai umīd-e-uqbā meñ kyā dharā hai
barī haiñ jo us se vo na dekheñ idhar zarā aañkh bhī uThā kar

ek kam-zarf se kyā zarf kī umiid kareñ
haiñ jo baune kabhī shamshād nahīñ hone ke

apne se apnā na ho kaam auroñ se rakhiye umiid
kyā vasiyyat karte ho ai dostāñ tum ho kahāñ

yuuñ nākāmiyāñ ham-safar haiñ musalsal
ki le de ke ummīd hai ab ajal se

bujh ga.ī rāh-e-vafā Duub ga.ī sub.h-e-umīd
le ke ab aa.egā kyā va.ada-e-dīdār koī

jīte-jī us se āshiq-e-mahjūr
kab umīd-e-visāl rakhtā hai

be-kār jāntā huuñ fusūn-e-umīd ko
nā-vāqif-e-fareb-e-tamannā nahīñ huuñ maiñ

laboñ pe rahnā ki jab tak ummīd-e-āmad us kī hai mujh ko baaqī
kare na va.ada vafā agar vo to mujh se ai jaañ vafā na karnā

dekhnā ye hai ki us ke māvarā kyā chiiz hai
ye umīd-o-bīm kā daftar purānā ho chukā

terī dahlīz pe iqrār kī ummīd liye
phir khaḌe haiñ tire inkār ke maare hue log