Tags-Ummeed

kyā maiñ ab chhoḌ duuñ yārab yahīñ ummīd kā saath
kyā abhī aur Thahar saktī hai ye raat ki bas

tirā ḳhayāl hī par tol kar uḌā le jaa.e
koī umiid sharīk-e-havās bhī na rahe

TūTte dekh ke derīna ta.attul kā fusūñ
nabz-e-ummīd-e-vatan ubhrī magar Duub ga.ī

āḳhir-e-shab bhī kisī ḳhvāb kī ummīd meñ huuñ
ik na.ī sub.h na.e din na.e ḳhurshīd meñ huuñ

māyūs tamannāoñ ko ai dost tirī yaad
jaise ufq-e-bīm pe ik aḳhtar-e-ummīd

sham-e-iḳhlās-o-yaqīñ dil meñ jalā kar chaliye
zulmat-e-yās meñ ummīd jagā kar chaliye

ab baḌe logoñ se achchhā.ī kī ummīd na kar
kaise mumkin hai karailā koī mīThā kar le

muddatoñ ba.ad vo aa.egā hamāre ghar meñ
phir se ai dil kisī ummīd ko zinda kar le

har ek shaḳhs ko ummīd bas usī se hai
hamāre shahr meñ vo ek hī to rusvā hai

maiñ kahāñ aap kahāñ diid kī ummīd kahāñ
yaad aa.uuñ jo kabhī dekhiye tasvīr mirī

ghar makīnoñ se banā kartā hai patthar se nahīñ
bas isī ummīd par har roz ghar jaatā huuñ maiñ

koī ummīd koī aasrā baaqī nahīñ chhoḌā
vafā ke pyaar ke saare sahāre bech Daale haiñ

le de ke tire dāman-e-umīd meñ 'māhir'
ek chiiz javānī thī javānī bhī luTā dī

nikhrā nikhrā sā hai ummīd kā mausam yuuñ bhī
shāḳh-e-ummīd pe kuchh aur sañvar aur sañvar ya.anī tū

shahr-e-mumkināt meñ ho ke na ummīd maiñ
phir rahā huuñ dar-ba-dar dil bahut udaas hai

ġham hai na ab ḳhushī hai na ummīd hai na yaas
sab se najāt paa.e zamāne guzar ga.e

har ik ḳhvāb ummīd ḳhvāhish pe tuf hai
har ik aarzū dil kī hasrat pe la.anat

ik dam ke na milne pe nahīñ milte haiñ mujh se
ai 'shefta' māyūsī-e-ummīd-e-fazā dekh

sar jhukā.e tirī ummīd pe baiThe haiñ ham
qātil is baar amānat ko utārā hotā

jinheñ nāḳhudā se umiid thī unheñ nāḳhudā ne Dubo diyā
jo ulajh ke rah ga.e mauj se vo kabhī ke paar utar ga.e