Tags-Ummeed

tābinda har-nafas hai ummīd kī badaulat
mehrāb-e-zindagī meñ ik sham.a jal rahī hai

na detā gar sahārā kuchh umīd-e-vasl kā tūfāñ
shanāvar bahr-e-ġham kā hasrat-e-sāhil meñ rah jaatā

khiñchā jo tūl-e-shab-e-judā.ī añdherī madfan kī yaad aa.ī
nigāh o dil par vo yaas chhā.ī umiid jaatī rahī sahar kī

tilism TuuTā jab us ke hasīn lahje kā
mirī umiid ke bar-aks faisla niklā

ummīd hai ki mujh ko ḳhudā aadmī kare
par aadmī kare to bhalā aadmī kare

ummīd-e-sub.h-e-bahārāñ ḳhizāñ se khīñchte haiñ
ye tiir roz dil-e-nā-tavāñ se khīñchte haiñ

umīd-e-karam kuchh na saaqī se rakh
ki ab vo mai-e-sātgīñ ho chukī

haa.e aalam shab-e-furqat mirī māyūsī kā
detī hai maut kī ummīd dilāse mujh ko

kab se ummīd lagā.e hue baiThe haiñ ham
ne sahī gar nahīñ iqrār so inkār to ho

saaya hai kam khajūr ke ūñche daraḳht kā
ummīd bāñdhiye na baḌe aadmī ke saath

isī umiid pe ham aaj tak bhaTakte haiñ
har ek shaḳhs kā koī Thikāna hotā hai

shikva-e-ġham kī mahshar meñ ham ko to ummīd nahīñ
sāmne vo aa jā.eñge hosh kise rah jā.egā

isī ummīd par ham qatl hote aa.e haiñ ab tak
ki kab qātil ke parde meñ koī dil-jū nikal aa.e

dil meñ thī maujzan ḳhushī shauq fuzūñ thā har ghaḌī
din meñ jo kuchh umiid thī ho ga.ī vaqt-e-shab ġhalat

umīd-e-hūr ne sab kuchh sikhā rakkhā hai vaa.iz ko
ye hazrat dekhne meñ sīdhe-sādhe bhole bhāle haiñ

jab zamāne meñ faqat afsurdagī rah jā.egī
merī ā.ankhoñ meñ kiran ummīd kī rah jā.egī

kis ke aane kī ummīd meñ āḳhir yuuñ
raste ko gul-dān banā.e baiThe ho

vo kis umiid pe ghar meñ rahe ki jis ghar meñ
na aane vaalā ho koī na jaane vaalā ho

yahī ummīd hai 'chandā' ko ḳhūb-rūyoñ meñ
rakhe hamesha terā yā alī karam gustāḳh

umiid jab had se baḌh ga.ī ho to hāsil us kā hai nā-umīdī
bhalā na kyuuñ yaas daf.atan ho ki muddatoñ aasrā rahā hai