Tags-Ummeed

har ik lamha gumāñ kī dastaras meñ kyā batā.eñ ham
kahāñ ummīd rakkhī hai kahāñ īmān rakkhā hai

āñkhoñ meñ chand ḳhvāb the aur dil meñ kuchh umiid
jaltā rahā maiñ aag kī mānind umr bhar

kahīñ ummīd sī hai dil ke nihāñ ḳhāne meñ
abhī kuchh vaqt lagegā use samjhāne meñ

mire baġhair bhī dekhā hai zulmatoñ kā nuzūl
mire na hone se ummīd kā ziyāñ kyuuñ ho

maut hī kī ho par ummīd kī sūrat ho koī
nā-umīdī meñ kahāñ tak koī jī saktā hai

na jaane kab koī aa kar mirī takmīl kar jaa.e
isī ummīd pe ḳhud ko adhūrā chhoḌ jaanā hai

dard ke sahrā meñ lākhoñ umiid ke lāshe galte haiñ
ek zarā se dāman meñ tum kis kis ko kafnāoge

ik shikasta naav thī ummīd kī
ek bahr-e-be-karāñ thā aur maiñ

umīd-e-pursish-e-ahvāl ho to kyūñkar ho
salām kā bhī tirī bazm meñ javāb nahīñ

gunahgāroñ ko hai ummīd is ashk-e-nidāmat se
ki dāman shāyad is āb-e-ravāñ se paak ho jaave

mirī umiid kā hai terī aarzū kā hai
diyā hai aur baḌī der se jalā huā hai

umiid khil sī ga.ī hai mahak uThā hai ḳhayāl
sabā kī narm sī dastak pe dil ko kyā huā hai

niyāz-kesh bhī merī tarah na ho koī
umiid mar chukī zauq-e-niyāz baaqī hai

ummīd ke vādoñ se jī kuchh to bahaltā thā
ab ye bhī tire ġham ko manzūr nahīñ hote

kitnā bekār tamannā kā safar hotā hai
kal kī ummīd pe har aaj basar hotā hai

rakhe tū jab tak jahāñ meñ yā-rab tire karam se umiid ye hai
rahe na mutlaq talāsh-e-daulat kareñ na duniyā kī justujū ham

niiñd mere āsāb pe savār ho chukī hai
umiid ne dāman jhaTak kar

ham to kar dete gila tujh se na aane kā tire
ghoñT detī thī par ummīd galā kyā karte

koī kiran mirī ummīd kī nahīñ baaqī
mire ḳhayāloñ meñ tasvīr-e-yās rahne do

tark-e-ummīd ik bahāna thā
kar chuke ye bhī sau bahāne se