English
Favourite
Favourite
UrduShayarUrduShayar
Expand menu
Sign inAccount

Tags-Visaal

visāl aise bhī mahñgā paḌegā donoñ ko
bichhaḌne ke liye milnā paḌegā donoñ ko
Ghazal
 visal aise bhi mahnga paDega donon ko
abhī se tujh ko paḌī hai visāl kī mirī jaañ
abhī to hijr ne unvān hī nahīñ paayā
Sher
 abhi se tujhko paDi hai visal ki meri jaan
ye maut hai yā koī āḳhirī visāl ke ba.ad
ajab sukūn meñ soyā huā sā lagtā hai
Ghazal
 shikasta-haal sa be-asra sa lagta hai
nahīñ nigāh meñ manzil to justujū hī sahī
nahīñ visāl mayassar to aarzū hī sahī
Ghazal
 nahin nigah mein manzil to justuju hi sahi
shab-e-visāl bhī vo shoḳh be-hijāb na thā
naqāb ulaT ke bhī dekhā to be-naqāb na thā
Ghazal
 kaha jo maine ki yusuf ko ye hijab na tha
shab-e-visāl kī ye shaam bhī hai rashk-e-sahar
mahak mahak ke saraktī hai bām-o-dar kī dhuup
Ghazal
 jo hausla ho to halki hai dopahar ki dhup
zikr-e-shab-e-visāl ho kyā qissa muḳhtasar
jis baat se vo Darte the vo baat ho ga.ī
Ghazal
 us mah-jabin se aaj mulaqat ho gai
aañkh jhapkī ki idhar ḳhatm huā roz-e-visāl
phir bhī is din pe qayāmat kā gumāñ hai ki jo thā
Ghazal
 aaj bhi qafila-e-ishq rawan hai ki jo tha
na ḳhudā hī milā na visāl-e-sanam na idhar ke hue na udhar ke hue
rahe dil meñ hamāre ye rañj-o-alam na idhar ke hue na udhar ke hue
Sher
 na KHuda hi mila na visal-e-sanam na idhar ke hue na udhar ke hue
ḳhvāb sharminda-e-visāl huā
hijr meñ niiñd aa ga.ī thī mujhe
Sher
 KHwab sharminda-e-visal hua
nahā rahe ho azāb-e-hijrāñ kī bārishoñ meñ
zarā sī gard-e-visāl le kar kahāñ chale ho
Ghazal
 sawal-andar-sawal le kar kahan chale ho
maiñ vahm huuñ ki haqīqat ye haal dekhne ko
giraft hotā huuñ apnā visāl dekhne ko
Sher
 main wahm hun ki haqiqat ye haal dekhne ko
maiñ dam-ba-ḳhud hī rahī aur shīsha-e-jāñ par
misāl-e-reza-e-ḳhurshīd ik visāl khilā
Ghazal
 kab is se qabl nazar mein gul-e-malal khila
maiñ ek se kisī mausam meñ rah nahīñ saktā
kabhī visāl kabhī hijr se rihā.ī de
Ghazal
 mere KHuda mujhe wo tab-e-nai-nawai de
Dūbne jā.egā shāyad koī māyūs visāl
majma-e-ām sunā hai lab-e-sāhil hogā
Ghazal
 na falak hoga na ye kucha-e-qatil hoga
tujh se qarīb aa.e to apnī ḳhabar na thī
duurī kā ye azaab ba-rañg-e-visāl dekh
Ghazal
 parchhaiyon ki baat na kar rang-e-haal dekh
tū terā visāl terī furqat
sab ḳhvāb-o-ḳhayāl ho gayā hai
Ghazal
 dil saKHt niDhaal ho gaya hai
visāl-e-fardā kī justujū meñ nashāt-e-imroz ghaT rahā hai
ye kis talab meñ ghirā huā huuñ ye kis aziyyat meñ aa basā huuñ
Ghazal
 bahut qarine ki zindagi thi ajab qayamat mein aa basa hun
parvā nahīñ piyā ko kisī ke visāl suuñ
fan suuñ usī ke us ko apas meñ rijhā.eñ chal
Ghazal
 pitam ke dekhne ke tamasha ko jaen chal
koī aag lams kī pheñk de mire band band ke sāmne
chale film koī visāl kī dil-e-hijr-mañd ke sāmne
Ghazal
 koi aag lams ki phenk de mere band band ke samne
Top Urdushayar.com