Tags-Visaal

ban ga.ī daaġh kaleje kā tamannā-e-visāl
dāġh-e-hasrat ke sivā ab koī armāñ na rahā

milā na lutf-e-visāl lekin maze kā shab bhar rahā tamāshā
idhar khulā band us qabā kā girah lagā dī udhar hayā ne

yahī atiyya-e-sub.h-e-shab-e-visāl hai kyā
ki sehr-e-nāz-o-zadā bhī nahīñ rahā ab to

siyāh paḌne lagegī sham-e-visāl kī zau
khilā huā rāt-bhar jo rañg-e-hinā rahegā

dam-e-visāl nigāhoñ meñ hijr kā manzar
misāl-e-gardish-e-ā.īna

visāl-e-yār kī ab sirf ek sūrat hai
hamārī ḳhaak uḌā kar vahāñ havā le jaa.e

shab-e-furqat jo ThanDe ThanDe ho jaa.e visāl apnā
gumāñ ho maut par apnī hayāt-e-jāvedānī kā

abhī harf lams-e-visāl ke kisī mantaqe pe rukā nahīñ
abhī guñg merā vajūd hai abhī be-zabāñ mirā haath hai

ajal-nasīb thā shām-e-visāl ḳhvāb aayā
vo be-hijāb hue to mujhe hijāb aayā

barpā tire visāl kā tūfān ho chukā
dil meñ jo baaġh thā vo bayābān ho chukā

kahāñ ke ishq-o-mohabbat kidhar ke hijr o visāl
abhī to log taraste haiñ zindagī ke liye

bas ab to ishq hai hijr-o-visāl kuchh bhī nahīñ
ye TukḌā ziist kā din meñ hai aur na raat meñ hai

sāz-e-dil-dārī pe naġhma-zan huī shām-e-visāl
mauj-e-gul kī ḳhūbī-e-taqrīr raushan ho ga.ī

ufuq pe ziist ke hañgām-e-ārzū-e-visāl
kā māhtāb sajāo ki ḳhvāb larzāñ haiñ

kuchh is liye bhī mujhe hijr meñ suhūlat hai
tirā visāl kabhī merā mudda.ā hī na thā

visāl-e-yār kī hasrat nikāl dī dil se
sunā hai maiñ ki ye ishq ke munāfī hai

dil meñ thī par laboñ tak aa na sakī
ārzū-e-visāl thī kyā thī

jo apne dil se 'iram' ko nikāl baiThā hai
ham us ke sāmne hijr-o-visāl kyā rakhte