Tags-Visaal

ḳhāk-e-visāl kyā kyā sūrat badal rahī hai
sūraj guzar chukā hai mahtāb aa rahā hai

hijr achchhā visāl achchhā hai
tark-e-ulfat ḳhayāl achchhā hai

dayār-e-hijr basāyā hai jo ki barsoñ meñ
dam-e-visāl kī ḳhātir tabāh kar na sake

hijr kī shab meñ qaid kare yā sub.h-e-visāl meñ rakkhe
achchhā maulā terī marzī to jis haal meñ rakkhe

har aarzū kī aañkh meñ aañsū lahū ke haiñ
kis kā ye dil ke shahr meñ yaum-e-visāl hai

apne to ahad-e-shauq ke marhale sab aziiz the
ham ko visāl sā lagā ek diyā bujhā huā

gulāb-e-surḳh se ārāsta dālān karnā hai
phir ik shām-e-visāl-āñgī tujhe mehmān karnā hai

sab lahū jam gayā ubaal ke biich
kaun yaad aa gayā visāl ke biich

hazār ruḳh tire milne ke haiñ na milne meñ
kise firāq kahūñ aur kise visāl kahūñ

hazār ruḳh tire milne ke haiñ na milne meñ
kise firāq kahūñ aur kise visāl kahūñ

ab to ḳhvāhāñ visāl kā bhī nahīñ
kuchh ajab hai muāmla merā

har ek din kī tarah thā visāl kā din bhī
jilau meñ farsh, na qadmoñ meñ āsmān liye

kisī ḳhayāl meñ bas zindagī guzar jaa.e
ġham-e-firāq o ummīd-e-visāl hī kyā hai

vo ajnabī nigāh dil ko taar kar ga.ī
gurez-pā visāl dil meñ tiir ho ga.e

kahāñ qāsid ne ki laayā huuñ maiñ paiġhām-e-visāl
aaj ḳhil.at mujhe pahnāo ki jāgīreñ do

koī hijr hai na visāl hai
sabhī ḳhvāhishoñ kā ye jaal hai

firāq mausam kī chilmanoñ se visāl lamhe chamak uTheñge
udaas shāmoñ meñ kāġhaz-e-dil pe guzre vaqtoñ ke baab likhnā

mujh pe guzrā hai vaqt-e-hijr-o-visāl
dil ne dekhe haiñ zer-o-bam donoñ

hijr o visāl ek hī lamhe kī baat thī
vo pal guzar gayā to zamāne guzar ga.e

tire ḳhayāl ko bhī fursat-e-ḳhayāl nahīñ
judā.ī hijr nahīñ hai milan visāl nahīñ