Tags-Visaal

hotī hai tan meñ ruuh payām-e-ajal se shaad
din vāda-e-visāl ke nazdīk aa chuke

diye tarāsh liye yaas ke añdheroñ se
ġham-e-firāq ko ḳhvāb-e-visāl ham ne kiyā

na mile jab talak visāl us kā
tab talak faut hai mirā matlab

visāl-e-mausam
tumhāre abrū ke ik ishāre kā muntazir hai

aah misl-e-shab-e-javānī jald
kyā ye roz-e-visāl jaatā hai

ye na thī hamārī qismat ki visāl-e-yār hotā
agar aur jiite rahte yahī intizār hotā

tirī aarzū kahīñ kho ga.ī mirī justujū-e-fuzūl meñ
mujhe ain vaqt visāl meñ tirā intizār nahīñ rahā

shikva-e-dil meñ raat biit ga.ī
hijr se kam tirā visāl nahīñ

guzar chukā hai zamāna visāl karne kā
ye koī vaqt hai tere kamāl karne kā

kyā uglā moḌ visāl kā hai
kyā uglā hukm dhamāl kā hai

log meñ ab vo charb-zabānī nahīñ rahī
yā hijr meñ udaas haiñ qisse visāl ke

na karb-e-hijr na kaiffiyat-e-visāl meñ huuñ
mujhe na chheḌiye ab maiñ ajiib haal meñ huuñ

yuuñ apne dil ke bojh ko kuchh kam kiyā gayā
ahd-e-visāl-o-hijr pe mātam kiyā gayā

jo rañg un kā badal chalā hai to shauq ab hai na valvala hai
bahut hī nāzuk muāmla hai visāl-e-ma.ashūq-e-nāznīñ kā

gurez-pā hai jo mujh se tirā visāl to kyā
mirā junūñ bhī hai āmāda-e-zavāl bahut

sub.h-e-visāl kab se numūdār ho chukī
nāpaid shām-e-hijr kā Dar ho nahīñ rahā

huā visāl se shauq-e-dil-e-harīs ziyāda
lab-e-qadah pe kaf-e-bāda josh-e-tishna-labī hai

gaah qarīb-e-shah-rag gaah ba.īd-e-vahm-o-ḳhvāb
us kī rafāqatoñ meñ raat hijr bhī thā visāl bhī

visāl-rut kā har ik lamha us ke naam kiyā
magar hai guzre dinoñ kā hisāb us kī talab

dikhā rahā thā mire pāniyoñ se shahr-e-visāl
koī charāġh sā andar thā jhilmilā.e hue