Tags-Visaal

ajab hai 'mehr' se us shoḳh ke visāl kā vaqt
vo dopahar ki jo maḳhsūs hai zavāl kā vaqt

āñkheñ batā rahī haiñ ki jaage ho raat ko
in sāġharoñ meñ bū-e-sharāb-e-visāl hai

dīdār kī havas hai na shauq-e-visāl hai
āzād har ḳhayāl se mast-e-ḳhayāl hai

shoḳhī-e-parda-nashīñ kī ishva-sāzī dekhnā
dil hai badmast-e-visāl aur diida bedār-e-firāq

ho judā ai chāra-gar hai mujh ko āzār-e-firāq
be-visāl achchhā huā bhī koī bīmār-e-firāq

koī kartā hai ḳhatā aur koī paatā hai sazā
ġhair gustāḳh-e-visāl aur maiñ sazā-vār-e-firāq

ai 'nūh' khul chale the vo ham se shab-e-visāl
itne meñ āftāb numūdār ho gayā

sab chāhte haiñ us se jo va.ada visāl kā
kahtā hai vo zabāñ hai kise duuñ kise na duuñ

mire savāl-e-visāl par tum nazar jhukā kar khaḌe hue ho
tumhīñ batāo ye baat kyā hai savāl puurā javāb aadhā

jo ho sake to mujhe apne paas rakh lenā
tirā visāl to ik sānvī sa.ādat hai

usī ko 'shāhīñ' muqarrar kiyā hai jā-e-visāl
kanāra-e-shab-e-hijrāñ jahāñ pe rakkhā thā

jī chāhtā hai tark-e-mohabbat ko baar baar
aatā hai ek aisā bhī lamha visāl meñ

thā guzarāñ guzar gayā vaqt-e-visāl aur bas
ḳhaak bhī chhāntā phirā phir na kabhī milā mujhe

ibrat dilā chukī thī hamārī sitam-kashī
mutlaq shab-e-visāl adū shādmāñ na thā

chāñd us kā āsmāñ us kā sar-e-shām-e-visāl
jis pe saaya ho tirī zulf-e-sitāra-gīr kā

vo tarz-e-bayāñ meñ chāndnī thā
tāroñ se visāl us kā haq thā

salīb-e-jāñ se visāl āsmāñ ke sāhil tak
har ek lazzat-e-āzār meñ hai saath mire

jī chāhtā hai tark-e-mohabbat ko baar baar
aatā hai ek aisā bhī lamha visāl meñ

tumhāre saa.e se armān sab nikāle ga.e
visāl-rut samar-e-intizār laa.ī thī

na vo hijr meñ rahīñ talḳhiyāñ na vo lazzateñ haiñ visāl meñ
na guzar tirā mire ḳhvāb meñ na maiñ gum huuñ tere ḳhayāl meñ