Tags-Wafa

bahut achchhā huā vo le ga.e dil
baḌā ziddī nihāyat bevafā thā

ābād hai jahān-e-vafā un kī yaad se
barbād ho ga.e jo mohabbat kī raah meñ

sabzān-e-bāġh saare dekhe hue haiñ apne
dilchasp kaahe ko haiñ us bevafā javāñ se

maiñ ne tarz-e-vafā thā apnāyā
is liye ashk-bār āñkheñ haiñ

pyaar mohabbat ishq vafā
kaisī bāteñ karte ho

zindagī ke udaas lamhoñ meñ
bevafā dost yaad aate haiñ

uktā ke kū-e-yār se ushshāq chal paḌe
kār-e-vafā ke dekhiye mushtāq chal paḌe

kaun kahtā hai bevafā tujh ko
kis ke muñh meñ zabān hai pyāre

bad-ahdiyoñ meñ vaqt-e-vafāt aan bhī pahuñchā
vaada na huā ek vafā yaar se ab tak

vo tahī-māya pashemān-e-vafā haiñ ham log
apnī taqrīr meñ jaadū hai na tahrīr kā rañg

ahd-e-vafā na yaad dilā.eñ to kyā kareñ
ham un ko hāl-e-dil na sunā.īñ to kyā kareñ

ham vo pāband-e-vafā haiñ ki tujhe
ab bhī be-mehr-o-vafā kahte haiñ

rañgīni-e-havas kā vafā naam rakh diyā
ḳhuddāri-e-vafā kā jafā naam rakh diyā

vafā kī azmat se āshnā haiñ kaheñ to rūdād-e-ġham kaheñ kyā
tujhe nadāmat ho jis ko sun kar vo dāstān-e-vafā nahīñ hai

ḳhulūs-e-ta.amīr ho jo shāmil sitam kā jazba burā nahīñ hai
vafā kareñge vo kyā kisī se jinheñ shu.ūr-e-jafā nahīñ hai

kuchh log abhī ishq meñ gustāḳh bahut haiñ
ādāb-e-vafā un ko sikhā kyuuñ nahīñ dete

kuchh mahāzoñ par bahā.eñ kuchh bahā.eñ khet meñ
muḳhtalif jā par sahī ḳhūn-e-vafā to ek hai

har taraf se imtihāñ-gāh-e-vafā meñ jā.ūñgā
qissa-e-dār-o-rasan kā marhala to ek hai

mar jaanā takmīl-e-vafā meñ
hai me.arāj kā pahlā ziina

fāsla aur baḌhā degī anā kī dahlīz
darmiyāñ zīna-e-iḳhlās-e-vafā bhī rakh le