Tags-Wafa

teġh-e-jafā-e-yār se dil sar na pheriyo
phir muñh vafā ko ham se dikhāyā na jā.egā

vaqt-e-safar judā.ī ke lamhāt-e-muzmahil
ik bevafā kī aañkh kā kājal bhigo ga.e

suntā nahīñ hai dil to us bevafā kī bāteñ
kal par uThā ke rakkho us bevafā kī bāteñ

us kī judā.ī kaise ab ham 'duā' saheñge
kuchh der phir se kar lo us bevafā kī bāteñ

ham ko sameTnā haiñ ab dil kī kirchiyāñ bhī
toḌā hai dil ko dekho us bevafā kī bāteñ

TuuTe haiñ ḳhvāb mere ab dafn in ko kar do
dohrā bhī kyoñ rahe ho us bevafā kī bāteñ

aaj us ne hai rulāyā ham ko bahut satāyā
ham se na karnā ab to us bevafā kī bāteñ

dil hai udaas ab to is tazkire ko badlo
kyoñ ho musir ki sun lo us bevafā kī bāteñ

ishq nīlām huā aam yā nākām huā
rah ga.iiñ ahl-e-vafā kī to barastī āñkheñ

un pathrīlī āñkhoñ meñ hai
ik chup chup tasvīr vafā kī

vafā kā zauq diyā hai tirī mohabbat ne
diloñ ko fat.h kiyā jazba-e-sharāfat ne

na gila tum se sitam kā na vafā kā shikva
kyā karoge mire ahvāl ke pursāñ ho kar

yaqīñ jo hotā ki hoñge halāk sidq-o-vafā
to ehtimām se marne kī aarzū karte

kahīñ surāġh-e-ḳhulūs-o-vafā agar miltā
to apnī zaat ko ham vaqf-e-justujū karte

tujh ko iz.hār-e-mohabbat kī qasam itnā batā
bevafā kyuuñ kiyā iz.hār-e-vafā kāġhaz par

tū hai kis nāhiye se ai dayār-e-ishq kyā jānūñ
tire bāshindagāñ ham kaash saare bevafā hote

lahū meñ Duubā huā milā hai vafā kā har ik usuul tujh ko
maiñ jāntā huuñ pasand kyuuñ haiñ gulāb ke surḳh phuul tujh ko

vafā se maiñ ne bhī ab haath uThāyā
qasam hai mujh ko apne bevafā kī

hamārī is vafā par bhī daġhā kī
qasam khaa.ī thī o kāfir ḳhudā kī

ta.āruf mirā kyā hai pūchho na 'parkāsh'
vafā naam hai aur nāyāb huuñ maiñ