Tags-Wafa

yahī behtar hai ki qurbān-e-vafā ho jaa.e
jaañ agar aaj na jā.egī to kal jā.egī

sunā rahe haiñ kahānī vafā-parastoñ kī
saje hue haiñ jo maqtal meñ jā-ba-jā patthar

ibādat meñ abhī mashġhūl haiñ in ko na chheḌo
vafā kis se kareñge istiḳhāra chal rahā hai

jab bhī barbād-e-vafā koī nazar aa.e tumheñ
ġhaur se dekh liyā karnā vo ham hī hoñge

sāl-hā-sāl se maiñ to safar-e-ḳhvāb meñ huuñ
vahī nādāñ hai ki ta.abīr-e-vafā chāhtā hai

ik be-vafā ke vāste se sab kuchh luTā diyā
'bahzād' ab na diin na īmāñ hai kyā karūñ

tah kā andesha rahegā phir na sāhil kī havas
dil se jab qat-e-umīd-e-bevafā ho jā.egī

bār-hā gor-e-dil jhañkā laayā
ab ke shart-e-vafā bajā laayā

unheñ yaqīñ nahīñ mere ḳhulūs-e-ulfat kā
vafā kā apnī ye in.aam pā rahā huuñ maiñ

hadīs-e-ishq huuñ afsāna-e-vafā huuñ maiñ
bhulā sake na jise tum vo mājrā huuñ maiñ

go bahut mahdūd hai jins-e-vafā
phir bhī mere bevafā! maujūd hai

rah-e-vafā ke musāfir kī bebasī mat pūchh
hameñ uThā.e hue chal rahī hai ḳhud manzil

ġhair hai bevafā pa tum to kaho
hai irāda nibāh kā kab tak

mujh pe āshiq nahīñ hai kuchh zālim
sabr āḳhir kare vafā kab tak

itnī raunaq sar-e-bāzār-e-vafā
mere saudā-e-ziyāñ se aa.ī

tum vafā karte raho shahr-e-talab meñ 'maz.har'
karne do us ko ye duniyā jo jafā kartī hai

mujhe ma.alūm hai ahl-e-vafā par kyā guzartī hai
samajh kar soch kar tujh se mohabbat kar rahā huuñ maiñ

mirī vafā ne junūñ kā hisāb denā thā
so aaj mujh ko bayābān se pukārā gayā

'rasā' ko dil meñ rakhte haiñ 'rasā' ke jānñe vaale
vafā kī qadar karte haiñ vafā ke jānñe vaale

tirī shoḳh āñkhoñ meñ bārhā ka.ī ḳhvāb dekhe haiñ pyaar ke
tirā pyaar merā nasīb hai kisī aur ko ye vafā na de