Tags-Wafa

vafā-dārī ġhanīmat ho ga.ī kyā
mohabbat bhī muravvat ho ga.ī kyā

har dam hai hadaf nāvak-e-bedād kā terī
patthar kā kalejā hai magar ahl-e-vafā kā

mujhe mere miTne kā ġham hai to ye hai
tumheñ bevafā kah rahā hai zamāna

mirī sarisht meñ dāḳhil vafā kī pābandī
tirā shi.ār musalsal itaab karnā hai

aaj aap apne mahāsin kā bayāñ kar liije
mahfil-e-tazkira-e-ahl-e-vafā aur sahī

ḳhalvat meñ raushnī hai na mahfil meñ raushnī
ahl-e-vafā charāġh-e-vafā le kahāñ ga.e

mile jo jurm-e-vafā kī sazā yahīñ pe mile
hisāb apnā kahāñ hogā jo yahāñ na huā

tākīd-e-zabt ahd-e-vafā izn-e-zindagī
kitne payām ik nigah-e-muḳhtasar meñ haiñ

rahī talāsh magar dard āshnā na milā
hamāre ba.ad unheñ ham sā bā-vafā na milā

kabhū jā.egī jo udhar sabā to ye kahiyo us se ki bevafā
magar ek 'mīr' shikasta-pā tire bāġh-e-tāza meñ ḳhaar thā

vafā kī aaḌ meñ kyā kyā huī jafā ham par
jo dostī yahī Thahrī to dushmanī kyā hai

vafā se aur na tark-e-vafā se aap haiñ ḳhush
mujhe batā.iye phir aap kī ḳhushī kyā hai

jo ḳhush hai ek to us kī vafā ke charche haiñ
dukhā.e dil vo jahāñ meñ bhale hazāroñ kā

vo mujh ko bhuul chukā ab yaqīn hai varna
vafā nahīñ to jafāoñ kā silsila rakhtā

sar kaT ke jo qadmoñ pe gire rāh-e-vafā meñ
ye bhī madad-e-himmat-e-mardāna samajhnā

vafā un se apnī jatāne ga.e the
magar ab to vo bad-gumāñ aur bhī haiñ

ye aur baat ki tark-e-vafā pe maa.il haiñ
tirī vafā kī hameñ aaj bhī zarūrat hai

ham rasm-e-vafā ko mānte haiñ ādāb-e-mohabbat jānte haiñ
ham baat kī tah pahchānte haiñ phir aap ko rusvā kaun kare

vafā ke baab meñ kār-e-suḳhan tamām huā
mirī zamīn pe ik ma.arka lahū kā bhī ho

har shaḳhs pur-ḳhulūs hai har shaḳhs bā-vafā
aatī hai apnī saada dilī par hañsī bahut