Tags-Wafa

munāfiqat ke ġharaz ke rishtoñ meñ kyuuñ vafā ko talāshtī ho
ḳhulūs-e-dil gar na ho to aisī qarābateñ kyā shumār karnā

maiñ husn-e-vafā kī zindagī thā
tum ne mirī qadr hī na jaanī

vo bevafā hai use bevafā kahūñ kaise
burā zarūr hai lekin burā kahūñ kaise

mujh se ik baat kiyā kījiye bas
is qadar mehr-o-vafā kījiye bas

zaḳhm khāte rahte haiñ muskurāte rahte haiñ
ham vafā-shanāsoñ kī ye adā purānī hai

sabā se pūchhtā phirtā huuñ 'aiman'
vafā meñ phuul kyā hai ḳhaar kyā hai

dil par vafā kā bojh uThāte rahe haiñ ham
apnā har imtiyāz miTāte rahe haiñ ham

merī ḳhuddāri-e-vafā dekho
sar jhukāne se sar qalam hī sahī

apnī bichhḌī huī tanhā.ī se
kyuuñ na ik baar vafā kar dekho

hai sar shahīd-e-ishq kā zeb-e-sinān-e-yār
sad shukr baare naḳhl-e-vafā bārvar to hai

koī qīmat nahīñ aise vafā ke ahd-o-paimāñ kī
mujhe jis par yaqīñ aa.e na un ko e'tibār aa.e

ek dushman sā tirā tan jaanā
maz.har-e-ḳhū-e-vafā ho jaise

ab kahāñ vo jazba-e-mahr-o-vafā
aadmī se ḳhū-e-insānī ga.ī

kab kā guzar chukā hai vo mausam shabāb kā
ab zikr hai fuzūl vafā kī kitāb kā

maiñ huuñ 'majāz' aaj bhī zamzama-e-sanj-o-naġhma-ḳhvāñ
shā.ir-e-mahfil-e-vafā mutrib-e-bazm-e-dil-barāñ

vafā bhī na hotā to achchhā thā va.ada
ghaḌī do ghaḌī to kabhī shaad rahte

chalo ham bhī vafā se baaz aa.e
mohabbat koī majbūrī nahīñ hai

ik bevafā se ahd-e-vafā kar ke aa.e haiñ
ab aa ke sochte haiñ ye kyā kar ke aa.e haiñ

ik tire saath vafā karne kī tayyārī meñ
din guzarte rahe auroñ kī vafādārī meñ

tark-e-vafā ke ba.ad ye us kī adā 'qatīl'
mujh ko satā.e koī to us ko burā lage