Tags-Wahshat

hukm hai ḳhāna-e-vahshat ke makīnoñ se kaho
ab yahāñ saañs bhī lene kī ijāzat nahīñ hai

aks-e-ram-sāzī-e-vahshat se use hai nisbat
ab to ā.īnoñ ko pahlī sī vo hairat nahīñ hai

phir mohabbat kā falsafa kyā hai
ye agar sab lahū kī vahshat hai

kitne koh-e-girāñ kaaTe haiñ kitne sanam tarāshe 'āzar'
shauq-e-zuhūr kī har patthar meñ raqsāñ vahshat ab bhī vahī hai

rahe rañj o alam o vahshat o barbādī o yaas
ai junūñ koī na jaa.e mire vīrāne se

be-yār baam par jo vahshat meñ chaḌh gayā huuñ
parnāle rote rote maiñ ne bahā diye haiñ

nashtar-e-vahshat nafas mauj-e-nafas kī sar-kashī
ālam-e-ta.azīr hai dozaḳh mirī taqsīr kā

un kī mahfil meñ bhī huuñ dāman-kash-e-vahshat-ba-dil
har jagah ik ālam-e-ādāb-e-zindāñ haa.e haa.e

ḳhāk-e-sahrā to bahut duur hai ai vahshat-e-dil
kyuuñ na zehnoñ pe jamī gard uḌā dī jaa.e

aalam ġhubār-e-vahshat-e-majnūñ hai sar-ba-sar
kab tak ḳhayāl-e-turra-e-lailā kare koī

vahshat kahāñ ki be-ḳhudī inshā kare koī
hastī ko lafz-e-m.ani-e-anqā kare koī

hai vahshat-e-tabī.at-e-ījād yās-ḳhez
ye dard vo nahīñ ki na paidā kare koī

kis liye chhīn liyā to ne ġhazāloñ kā sukūn
is ḳharābe ke liye kyā mirī vahshat kam thī

aisī vahshat kā burā ho ki ham apne ghar se
ġham hue ḳhud bhī mohabbat kī nishānī kī tarah

ye shahr shahr kī ābādiyāñ fanā kī taraf
ye jītī-jāgtī āñkhoñ meñ vahshat-e-sahrā

raushnī kā ye musāfir hai rah-e-jāñ kā nahīñ
apne saa.e se bhī hone lagī vahshat ham ko

haath vahshat meñ na poñchhe to garebāñ kaisā
ḳhār-e-sahrā se na uljhe to vo dāmāñ kaisā

mudāvā kis tarah hogā vahāñ zañgār-e-vahshat kā
agar kuchh aa.ine ham ne sitāroñ par nahīñ paa.e