Tags-Wahshat

ālam-e-vahshat meñ uryānī kā jaama chāhiye
kaam hāthoñ ko garebāñ se na dāmāñ se ġharaz

katrā.e to ham laakh rah-e-vahshat-e-dil se
kānoñ meñ salāsil kī sadā guuñj rahī hai

kalkatta meñ har dam hai 'munīr' aap ko vahshat
har koThī meñ har bañgle meñ jañglā nazar aayā

ho jā.eñge sab koh-e-jahāñ sañg-e-falāḳhan
vahshat meñ jo aalam tah-o-bālā nazar aayā

ḳhil.at mujhe vahshat ne diyā vus.at-e-dil kā
jaame meñ mire dāman-e-sahrā nazar aayā

vo dasht jis meñ ki dahshat hai be-karāñ 'sā.ib'
vo dasht hai dil-e-vahshat-ma.āb kī zad meñ

phir vahī lambī do-pahreñ-surma.ī haiñ phir vahī dil kī hālat hai
bāhar kitnā sannāTā hai andar kitnī vahshat hai

junūñ meñ bāġh-e-ālam ko jo dekhā
ajab sahrā-e-vahshat-nāk niklā

tiflī hī se vahshat-āshnā huuñ
maiñ us dāman-e-dasht meñ palā huuñ

chāhat jo junūñ ke liye zanjīr banī thī
aaj us ko bhī vahshat ne mirī toḌ diyā hai

mile jo nāqa-e-vahshat ko sārbāñ koī
dikhā.ūñ qāfila-e-ḳhvāb kā nishāñ koī

kartā hai fuzūñ vahshat-e-dil dasht kā mausam
'bilqīs' magar kyā karūñ ghar kaaT rahā hai

ab aañkh se pilā do mire yaar zindagī
ki ḳhāl-o-ḳhad ke paar to vahshat meñ aa ga.e

dasht bechain hai vahshat kī pazīrā.ī ko
dil-e-vahshī dar-o-dīvār meñ uljhā huā hai

mirī vahshat pe sahrā tañg hotā jā rahā hai
kahā to thā ye āñgan lā-mahāla kam rahegā

ajiib raqs ki vahshat kī taal hai jis meñ
ajiib taal jo aaseb ke asar meñ lagī

pattharoñ ne is tarah kī zaḳhm kī chāragarī
dekh kar dīvār vahshat kā bhī chehra dañg thā

mausam-e-vajd meñ jā kar maiñ kahāñ raqs karūñ
apnī duniyā mirī vahshat ke barābar kar de

tere āshiq ko talab gul kī na gulzār kī thī
josh-e-vahshat meñ havas vādī-e-pur-ḳhār kī thī