Tags-Wahshat

tere āshiq ko talab gul kī na gulzār kī thī
josh-e-vahshat meñ havas vādī-e-pur-ḳhār kī thī

ye ālam-e-vahshat hai ki dahshat kā asar hai
dāman kī ḳhabar hai na garebāñ kī ḳhabar hai

vahshat-e-dil kā ye aalam hai ki dushman ho yā dost
jo bhī mil jaatā hai us ke saath ho letā huuñ maiñ

shoḳhī-e-nairañg said-e-vahshat-e-tā.ūs hai
dām-e-sabza meñ hai parvāz-e-chaman tasḳhīr kā

ātishīñ-pā huuñ gudāz-e-vahshat-e-zindāñ na pūchh
mū-e-ātish diida hai har halqa yaañ zanjīr kā

vahshat-e-ḳhvāb-e-adam shor-e-tamāshā hai 'asad'
jo maza jauhar nahīñ ā.īna-e-ta.abīr kā

phuul kāḌhe haiñ mire talvoñ pe vahshat ne mirī
tapte sahrā ne mujhe ābla-pā.ī nahīñ dī

'zahīr' ik rishta-e-vahshat liye phirtā hai majnūñ ko
vagarna koī apne aap sahrā meñ nahīñ rahtā

maiñ huuñ vahshat meñ gum maiñ terī duniyā meñ nahīñ rahtā
bagūlā raqs meñ rahtā hai sahrā meñ nahīñ rahtā

maiñ dīvāna huuñ aur dair-o-haram se mujh ko vahshat hai
paḌī rahne do mere paañv meñ zanjīr-e-mai-ḳhāna

urūj-e-josh-e-vahshat 'sehr' hai ye roz-e-raushan meñ
nazar aate haiñ taare rauzan-e-dīvār-e-zindāñ se

lawn meñ baiThā darvāze par dastak sun kar chauñk paḌā
kaun hai jis ne vahshat toḌī mujh sā patthar chauñk paḌā

azāb-e-vahshat-e-jāñ kā sila na māñge koī
na.e safar ke liye rāsta na māñge koī

ye rat-jage sar-e-vahshat ghasīTte haiñ mujhe
maiñ lauTtī huuñ kitāboñ ko aaḌ karte hue

kuchh to hai is vahshat meñ
varna patthar khaa.e kaun

hoñ reg ke mānind shab-o-roz safar meñ
āvāra-e-vahshat koī manzil nahīñ rakhtā

garebāñ ḳhārjiyyat aur vahshat dāḳhliyyat hai
lihāzā ḳhārjiyyat ke rafū se kuchh nahīñ hogā

vahshat-kade se rahmat-e-haq ne bhī kī gurez
badle hamāre ghar se barastī chalī ga.ī

maiñ ḳhud apne baab meñ rahtī huuñ mahv-e-justujū
ham-rikāb-e-vahshat-e-reg-e-ravāñ koī to hai

sulagtī raah bhī vahshat ne chun lī
safar bhī pā-barahna chāhtī hai