Tags-Wahshat

apnī vahshat ke na.e zaḳhm chhupā.ūñ kaise
maiñ tirī yaad kī dīvār girā.ūñ kaise

har roz ek vādī-e-nau sair-gāh hai
vahshat dikhā rahī hai bayābāñ na.e na.e

merī hairat mirī vahshat kā pata pūchhtī hai
dekhiye kaun kise pahle rasā.ī degā

dasht nahīñ hai ye to merā ghar hai lekin jaane kyuuñ
uljhā.e rahtī hai ik vahshat sī sub.h-o-shām mujhe

sāhab ne na kī yaarī vahshat se parī se to
ai shaiḳh-e-junūñ tum ko ham ḳhvāja-sarā samjhe

dil kī dhaḌkan se laraztā hai badan
apnī vahshat meñ khañDar boltā hai

shām-e-vahshat kahāñ pe le aa.ī
tū mujhe apne intizār ke saath

vahshat kā ye aalam ki pas-e-chāk garebāñ
ranjish hai bahāroñ se ulajhte haiñ ḳhizāñ se

ahl-e-vahshat se ye taz.īn-e-jahāñ kyā hotī
ye salīqa bhī tire gesū-e-barham se milā

ek sahrā mujhe bulātā hai
ek vahshat gale lagātī hai

nazar-bāzī tilism-e-vahshat-ābād-e-paristāñ hai
rahā begāna-e-tāsīr afsūñ āshnā.ī kā

jāñ-dādgān-e-aish kā anjām kyā huā
āvārgān-e-kūcha-e-vahshat se pūchhiye

is meñ ai ahl-e-vatan raa.e tumhārī kyā hai
kahtī hai vahshat-e-dil ghar se nikal jaane ko

chaak chaak apnā garebāñ na huā thā so huā
vahshat-e-dil kā jo sāmāñ na huā thā so huā

faqat ġhussa piye jaate haiñ roz o shab ke jhagḌe meñ
koī hañgāma kar sakte jo vahshat raas aa jaatī

ham vahshī the vahshat meñ bhī ghar se kabhī bāhar na rahe
jañgal jañgal phir bhī kitnā naam huā ham logoñ kā

naḳhl-e-vahshat bhī magar un kā samar rakhtā hai
har taraf se jo ye dīvāroñ pe sañg aate haiñ

is vāste bhī raushnī hai bā.is-e-vahshat
āñkhoñ kī charāġhoñ se shanāsā.ī nahīñ hai

ai ramz-e-āgahī maiñ tujhe ḳhud pe vā karūñ
vahshat ko mere paañv kī zanjīr se milā

ek vahshat dā.era-dar-dā.era phirtī rahī
ek sahrā silsila-dar-silsila raushan huā