Tags-Wahshat

dār-o-gīr-e-vahshat meñ ab panāh kyā DhūñDeñ
ye zamīn dāman hai āsmāñ garebāñ hai

jahān chhānā paḌā hai kab kā falak pe vahshat kā ab hai shohrā
kahāñ kā maġhrib kahāñ kā mashriq junūb kaisā shumāl kaisā

ek din qais se jā miltā hai vahshat ke tufail
jo bhī is dasht-e-suḳhan-zār meñ aa jaatā hai

sahrā agar nahīñ hai to sahrā se kam nahīñ
ai rabb-e-qais qalb kī vahshat qubūl kar

vaqt ke saath hī gul ho ga.e vahshat ke charāg
ik siyāhī hai jo tāqoñ pe abhī rah ga.ī hai

junūñ kī ābiyārī kar rahā huuñ
maiñ vahshat ḳhud pe taarī kar rahā huuñ

phir tirī yaad meñ raqsāñ hai mirī vahshat-e-dil
kitnā mushkil hai tirī yaad ko ruḳhsat karnā

be tere kyā vahshat ham ko tujh bin kaisā sabr o sukūñ
tū hī apnā shahr hai jaanī tū hī apnā sahrā hai

mirī āñkhoñ meñ ab hai maujzan bas ret vahshat kī
samundar ab kahāñ palkoñ kī har jumbish meñ rahtā hai

fazā meñ vahshat-e-sañg-o-sināñ ke hote hue
qalam hai raqs meñ āshob-e-jāñ ke hote hue

āmad-e-gul kā vīrānī bhī dekh rahī hai kyā kyā ḳhvāb
vīrānī ke ḳhvāb ko aao vahshat se ta.abīr kareñ

har nafas baḌhtā gayā us kī tamannā kā ḳharosh
lamha lamha isī vahshat meñ nikhartā gayā maiñ

dasht-e-vahshat kī qasam ābla-pā.ī kī qasam
raah meñ jab na koī sāya-e-dīvār mile

aql farmān sunātī rahī TuuTā na jumūd
raqs-e-vahshat kā taqāzā thā mukarrar koī dhan

vahshat kā kahīñ asar nahīñ hai
kuchh bhī hai ye merā ghar nahīñ hai

uf ye tanhā.ī ye vahshat ye sukūt-e-shab-e-tār
aur shabistāñ meñ koī sham-e-farozāñ bhī nahīñ

dasht-e-vahshat ko phir ābād karūñgā ik din
tū na hogā to tujhe yaad karūñgā ik din