Tags-Wahshat

tum agar jaao to vahshat mirī khā jaa.e mujhe
ghar judā khāne ko aa.e dar-o-dīvār judā

mere āñgan meñ hai vahshat kā baserā 'afzal'
mujh ko ghar ke dar-o-dīvār se Dar lagtā hai

hā.e-re vahshat ki tere shahr kā
ham sabā se rāsta pūchhā kiye

ai 'vafā' mausam-e-vahshat bhī hai kyā mausam-e-gul
kyuuñ bachāte haiñ gulistāñ kī havā se mujh ko

hamāre shahr meñ ab har taraf vahshat barastī hai
so ab jañgal meñ apnā ghar banānā chāhte haiñ ham

tum qurb kī rāhat kyā samjho tum hijr kī vahshat kyā jaano
tum ne vo raat nahīñ kaaTī tum par vo azaab nahīñ aa.e

ghar kī vahshat se laraztā huuñ magar jaane kyuuñ
shaam hotī hai to ghar jaane ko jī chāhtā hai

gaah gaah vahshat meñ ghar kī samt jaatā huuñ
is ko dasht-e-hairat se vāpsī na samjhā jaa.e

pās-e-vahshat hai to yād-e-ruḳh-e-lailā bhī na kar
ishq ko qaidī-e-zanjīr-e-tamannā bhī na kar

jab ravish pe chaltī huuñ maiñ adā-e-vahshat kī
phuul ruuTh jaate haiñ gulsitān jaatā hai

merī vahshat bhī sukūñ nā-āshnā merī tarah
mere qadmoñ se bañdhī se zimmedārī aur kyā

shauq merā nahīñ junūñ-añgez
so bayābāñ ko mujh se vahshat hai

itnī vahshat hai ki siine meñ ulajhtā hai ye dil
ai shab-e-ġham tū mire siine pe patthar rakh de

ḳhalā insān vahshat ḳhaak hijrat
makāñ raste nishānī be-yaqīnī

kyā chashm-e-rafū-gar se shikāyat ho ki ab tak
vahshat hai vahī sīna-e-sad-chāk vahī hai

tū aa ga.ī shaam
surma.ī vahshat o hazīmat ke saa.e saa.e

ik vahshat sī dar aa.ī hai āñkhoñ meñ
apnī sūrat dhundlā.ī hai āñkhoñ meñ

dasht ke paar nayā dasht basātā dil kā
phir tire hijr meñ dil khol ke vahshat kartā