Tags-Azaab

farishta sūrat duā kā saaya vo ruup insāñ kā dhaar aayā
hai us se duurī azaab mujh ko hai us kā milnā savāb jaisā

haiñ zaḳhm saare hī niile niile
hai ye mohabbat azaab niilā

nahā rahe ho azāb-e-hijrāñ kī bārishoñ meñ
zarā sī gard-e-visāl le kar kahāñ chale ho

junūñ ke raste meñ ye ḳhudī bhī azaab hogī
ḳhirad kā koh-e-vabāl le kar kahāñ chale ho

ye kis azaab ne bastī ko merī gher liyā
ki chūlhe sard rahe yaañ magar dhuāñ niklā

tujh se qarīb aa.e to apnī ḳhabar na thī
duurī kā ye azaab ba-rañg-e-visāl dekh

hisār-e-ġhair meñ rahtā hai ye makān-e-vajūd
maiñ ḳhalvatoñ meñ bhī akasr azaab dekhtā huuñ

mire saare harf tamām harf azaab the
mire kam-suḳhan ne suḳhan kiyā to ḳhabar huī

dukhoñ ke ruup bahut aur sukhoñ ke ḳhvāb bahut
tirā karam hai bahut par mire azaab bahut

ham apnī ruuh ke uupar azaab dekhte haiñ
ki roz tujh se bichhaḌne kā ḳhvāb dekhte haiñ

surāhī dil kī āñsuoñ kī os se bharī rahī
isī liye azāb-e-hijr us ko raas aa gayā

apne dil ko itaab haiñ ham log
ḳhud sarāsar azaab haiñ ham log

mubtalā-e-itāb haiñ ham log
ik asīr-e-azāb haiñ ham log

ye zindagī ye ruḳhsatī usī kī haiñ amānateñ
shikasta jism meñ tire azaab se nikal ga.ī

azaab rātoñ ḳhizāñ-rutoñ kī kahānī likkhūñ
maiñ terī furqat kī sā.atoñ ko zabānī likkhūñ

uljhanoñ ne ye kar diyā sābit
ik musalsal azaab hai duniyā

agar shu.ūr na ho to bahisht hai duniyā
baḌe azaab meñ guzrī hai āgahī ke saath

ye zindagī to kahīñ ḳhatm hī nahīñ hotī
ab aur kitne dinoñ ye azaab uThā.ūñ maiñ

hijr ham se sahā na jā.egā
saath apne azaab le jaao

har ik azaab ko maiñ sah gayā magar na milā
vo ek ġham jo mire hausle se baḌh kar thā