Tags-Azaab

tumhārī āñkhoñ ke in nīm-vā darīchoñ meñ
azāb-e-dīd kī sūrat shikasta ḳhvāb mile

gunāh ek hī donoñ kā hai to phir ye kyuuñ
use savāb mile aur mujhe azaab mile

vo lamha mere liye kis qadar azaab kā thā
haqīqatoñ pe gumāñ jab ḳhayāl-o-ḳhvāb kā thā

vo apne lams se patthar banā gayā mujh ko
visāl us kā mujhe sūrat-e-azāb huā

azaab sab ke mire jism-o-jāñ pe naqsh hue
mirā vajūd mire ahd kī kitāb huā

kahāñ talak ki uThāte azāb-e-tanhā.ī
akele hujla-e-vīrāñ meñ jal bujhe ham log

balā-e-mahshar bhī sahal un ko azāb-e-dozaḳh bhī un ko āsāñ
jo terī ulfat meñ apne dil par ġham-e-judā.ī uThā chuke haiñ

duniyā hai ki gosha-e-jahannam
har vaqt azāb-e-ilāhī tauba

āgahī ke hamārī āñkhoñ par
jis qadar haiñ azaab taaza haiñ

us se pūchho azaab rastoñ kā
jis kā sāthī safar meñ bichhḌā hai

hameñ na bhūlnā ālām-e-sad-zamāñ ki yahāñ
hamīñ haiñ maskan-e-hirmāñ hamīñ haiñ bait-e-azāb

kaTā thā roz-e-musībat ḳhudā ḳhudā kar ke
ye raat aa.ī ki sar pe mire azaab aayā

ik ziiq ik azaab ik andoh ik taḌap
tum ne ye dil ke naam se kyā de diyā mujhe

hazāroñ is dil-e-be-ārzū ne Dhaa.e sitam
bhale ko aur mire saath kuchh azaab na thā

hujūm ham ko sar āñkhoñ pe kyuuñ biThā.e rahā
dil-o-nazar pe hamāre azaab se kuchh haiñ

mirī ruuh meñ jo utar sakeñ vo mohabbateñ mujhe chāhiyeñ
jo sarāb hoñ na azaab hoñ vo rifāqateñ mujhe chāhiyeñ

jab bāñTanā hī azaab Thahrā
phir kaisā hisāb māñgte ho

ḳhatm hotā hī nahīñ bedār lamhoñ kā azaab
niiñd jaise koī zaḳhm-e-be-rafū āñkhoñ meñ hai

nahīñ jā.egī kisī aañkh se kahīñ raushnī
koī ḳhvāb us ke azaab meñ nahīñ aa.egā

savāl kartā nahīñ aur javāb us kī talab
ki an-kahī kā bhī dohra azaab us kī talab