Tags-Azaab

ho ga.e us ke dar ke pahre-dār
merā jiinā azaab thā na rahā

hamāre saath purāne sharīk-e-ġham kī tarah
azāb-e-hijr ke sadme uThā rahā hai charāġh

qurb us kā hai hamārī vāpsī kā muntazir
jhelte haiñ ham bhī duurī kā azaab us ke liye

na diin par haiñ amal hamāre na fikr koī samāj kī hai
tarah tarah ke jab aaj ham par azaab utre to log samjhe

vo sach ke chehre pe aisā naqāb chhoḌ gayā
ruḳh-e-hayāt pe jaise azaab chhoḌ gayā

shaam us aadmī kī yaad aa.ī jo ek umr ba.ad
jāniye kis azaab meñ kar ga.ī mubtalā mujhe

udhar malāmat-e-duniyā idhar malāmat-e-nafs
baḌā azaab hai aa.e hue havās mujhe

jo vufūr-e-chashm-e-pur-āb ho to jahān taḳhta-e-āb ho
abhī nuuh kā sā azaab ho agar ashk chand bahā.iye

vo jis kī zaat se jiine kā lutf thā 'nādir'
bichhaḌ gayā to ye jiinā azaab jaisā hai

vahāñ to saañs bhī lenā azaab lagtā hai
sisak rahī ho jahāñ koī zindagī tanhā

shabāb ke liye tauba azaab hai saaqī
sharāb lā mujhe pās-e-shabāb hai saaqī

ġham-e-zamāna nahīñ ik azaab hai saaqī
sharāb lā mirī hālat ḳharāb hai saaqī

aa.e kuchh abr kuchh sharāb aa.e
is ke ba.ad aa.e jo azaab aa.e

khañDar meñ baiTh ke rone kī ḳhū nahīñ jaatī
tumhārī aañkh pe shāyad azaab honā hai

aañkh ho aur koī ḳhvāb na ho
nāzil aisā kahīñ azaab na ho

kaalī kaalī qismat un kī niile piile ḳhvāb
itne rañgoñ meñ apnī pahchān bhī ek azaab

jab se hamāre haath se chhīnā butoñ ne iḳhtiyār
apnā sanam-kadoñ meñ rahnā azaab ho gayā

bebasī kā azaab
udaas rastoñ pe chalne vaalo

azāb-e-ātish-e-furqat se kāñptā thā dil
hazār shukr jahannam milā sazā ke liye

jo kabhī ye bāb-e-alam khulā the har ek halqa-e-chashm meñ
pas-e-parda-e-ġham-e-dostāñ faqat apne apne azaab se