Tags-Wajood

tire ishāra-e-abrū kā ehtirām kareñ
vajūd apnā sambhāleñ ki terā kaam kareñ

adam vajūd adam uf ye silsile kaise
maiñ luT ga.ī huuñ magar mālā-māl hairat hai

mire vajūd meñ vo is tarah samo jaa.e
jo mere paas hai sab kuchh usī kā ho jaa.e

le Dūbegī ḳhāmoshī koī dam hañs-bol
ik ek kar ke vajūd kī girheñ khol

hudūd meñ apnī rah ke shāyad bachā sakūñ maiñ vajūd apnā
maiñ ek qatra huuñ mujh ko dariyā ke rāste par na Daal denā

mire vajūd kī rusvā.iyāñ tumhārī qasam
hai dil meñ ḳhauf phir ik rāz-dāñ banāte hue

maiñ tere baad mukammal na rah sakūñ shāyad
tirā vajūd kuchh is tarah bhī zarūrī hai

na jaane kitne zamāne mire vajūd meñ the
ḳhud apnī zaat meñ ik inqalāb thā maiñ bhī

vajūd hogā mujassam mirā kabhī na kabhī
abhī to terī fazā meñ bikhar rahā huuñ maiñ

tirā vajūd tire rāste meñ haa.il hai
yahīñ se ho ke mirā qāfila guzartā hai

vajūd kā huā jaatā hai falsafa paanī
rumūz-e-zāt se parde uThā rahī hai ġhazal

garche hai musht-e-ġhubār aadam o havvā kā vajūd
un kī rif.at pe baraste haiñ sitāroñ ke sujūd

patthar pe gir ke ā.īna TukḌoñ meñ baT gayā
kitnā mire vajūd kā paikar simaT gayā

nahīñ qarār kī lazzat se āshnā ye vajūd
vo ḳhaak merī nahīñ hai jo kū-ba-kū na rahe

ai ḳhudā ye vajūd kā jhagḌā
ḳhaak kā hai ki āsmānī hai

bas us ke hone kā ehsās hai ġharaz ki ḳhudā
vajūd vāhime ke darmiyān zinda rahā

mire vajūd meñ vo is tarah samo jaa.e
jo mere paas hai sab kuchh usī kā ho jaa.e

bhiiḌ meñ gum ho gayā ik roz 'shārib' kā vajūd
DhūñDhtā hai jism par apnā patā oḌhe hue

vo ghuT ke mar hī na jaa.e jo mere andar hai
mirā vajūd hī merī nafī na ban jaa.e

na dekh mujh ko mohabbat kī aañkh se ai dost
mirā vajūd mirā mudda.ā na ho jaa.e