Tags-Wajood

chāñd us raat bhī niklā thā magar us kā vajūd
itnā ḳhūñ-rañg thā jaise kisī ma.asūm kī laash

bikhar gayā hai kuchh is tarah aadmī kā vajūd
har ek fard koī sāneha lage hai mujhe

mire vajūd pe nafrat kī gard jamtī rahī
milā na vaqt use āñsuoñ se dhone kā

us ne sauñpā nahīñ mujh ko mire hisse kā vajūd
us kī koshish hai ki mujh se mirī ranjish bhī rahe

sitār-e-ḳhvāb se bhī baḌh kar ye kaun be-mehr hai ki jis ne
charāġh aur aa.ine ko apne vajūd kā rāz-dāñ kiyā hai

lahūluhān hai chehra vajūd chhalnī hai
sadī jo biit ga.ī us kā aa.ina huuñ maiñ

ajiib ālam-e-āh-o-bukā hai merā vajūd
taḌapte chīḳhte lamhoñ kā marsiya huuñ maiñ

ḳhatm hone de mire saath hī apnā bhī vajūd
tū bhī ik naqsh ḳharābe kā hai mar jā mujh meñ

maiñ ek qatra huuñ merā alag vajūd to hai
huā kare jo samundar mirī talāsh meñ hai

tirī jabīñ pe ibārat hai dīn-e-ishq 'niyāz'
tirā vajūd muqaddas kitāb jaisā hai

samay ke tez bagūloñ kī zad meñ Thahrā huuñ
mire vajūd kā dariyā habāb jaisā hai

hai is anjuman meñ yaksāñ adam o vajūd merā
ki jo maiñ yahāñ na hotā yahī kārobār hotā

hāl-e-sahn-e-vajūd Thahregā
terā hañgām-e-ruḳhsatī kab tak

hai jahannum jo yaad ab us kī
vo bahisht-e-vajūd thī kab tak

gum ho gayā thā maiñ usī dasht-e-vajūd meñ
maiñ apne ism-e-zāt kī tasḳhīr se milā

nuqūsh-e-ḳhāk-e-badan ko tū muntashir kar de
mire vajūd ko phir mere ḳhatt-o-ḳhāl meñ rakh

kyā vajūd us kā agar koī tavajjoh hī na de
ham ki jab chāheñ use bhiiḌ kā hissa kar aa.eñ

apne adhūre vajūd ke saath
maiñ ne apnī aadhī qabr maañ kī kokh meñ banā.ī

vo to rahā na vo raste isī liye manzar
har ik vajūd na.e paikaroñ meñ Dhalne lagā

ḳhumār us kī mohabbat kā yuuñ vajūd meñ hai
ki aks meñ mire shāmil jamāl hai us kā