Tags-Wajood

adam kī niiñd meñ so.e hue kahāñ haiñ vo ab
jo kal vajūd kī āñkhoñ ko mal rahe hoñge

sukūn ke vo sabhī pal to le gayā hai magar
mire vajūd meñ apnī thakān chhoḌ gayā

mirā vajūd zindagī kā bhed hai dekh
ye ek hoñT ke sho.ale pe barg-e-gul se ḳharāsh

chāhatoñ kā vahāñ vajūd kahāñ
ḳhvāhishoñ kā jahāñ shumār nahīñ

kahā ġhuncha ne hañs kar vaah kyā nairañg-e-ālam hai
vajūd gul jise samjhe haiñ sab hai vo adam merā

jahān-e-fikr-o-amal meñ ye merā zom-e-vajūd
faqat numā.ish-e-poshāk ke sivā kyā hai

hai ālam-e-vajūd pe chhāyā huā jumūd
ai kaash inqalāb koī faisla kare

nūr-e-vajūd aur agar hausla kare
sham-e-hayāt jal ke bhī kuchh lau diyā kare

ye zamīñ ye āsmāñ ye kā.enāt
ek lā-mahdūd vus.at ek be-ma.anī vajūd

pakaḌ rahī ho thakan jab vajūd ke baazū
uThā.e koī bhalā kaise vahshateñ dil kī

mire vajūd ke andar hai ik qadīm makān
jahāñ se maiñ ye udāsī udhār letī huuñ

kabhī mohabbat se baaz rahne kā dhyān aa.e to sochtā huuñ
ye zahr itne dinoñ se mere vajūd meñ kaise pal rahā hai

varaq varaq pe hai bikhrā mire vajūd kā rañg
ye kis ke haath kī likkhī huī kitāb hai ishq

kisī vajūd kī koī ramaq na ho jaise
darāz silsila-e-māh-o-sāl aisā thā

vajūd ā.ina-ḳhānoñ kā hai fanā-anjām
qazā-e-charḳh-e-dokhānī samajh sako to kahūñ

safīr-e-ḳhush-ḳhabar-e-kū-e-yār-e-nā-maujūd
nahīñ vajūd-e-fareb-e-gumāñ to kuchh bhī nahīñ

yūñhī insānoñ ke shahroñ meñ milā apnā vajūd
kisī vīrāne meñ ik phuul khilā ho jaise

jal-bujhe garmī-e-anfās se donoñ kā vajūd
gholne ḳhud ko mire qurb kī tāsīr meñ aa

na to zamīñ ke liye hai na āsmāñ ke liye
tirā vajūd hai ab sirf dāstāñ ke liye

thakan se chuur hai saarā vajūd ab merā
maiñ bojh itne ġhamoñ kā to Dho nahīñ saktā