English
Favourite
Favourite
UrduShayarUrduShayar
Expand menu
Sign inAccount

Tags-Wajood

ga.e dinoñ kā fasāna hai ab hamārā vajūd
vo muflisī bhī nahīñ hai vo roz-o-shab bhī nahīñ
Ghazal
 gila to aap se hai aur be-sabab bhi nahin
ab to shikast-e-jāñ ke amal se najāt de
ye nā-tavāñ vajūd dukhoñ se niDhāl hai
Ghazal
 qillat KHulus ki hai mohabbat ka kal hai
mire vajūd se dhāgā nikal gayā hai dost
maiñ be-shumār huā huuñ shumār hote hue
Ghazal
 kal apne shahr ki bas mein sawar hote hue
ḳhud apne haath se apnā vajūd chaak kiyā
yahī ummīd ki tū aa.egā rafū karegā
Ghazal
 sukut toDega aankhon ko aabju karega
ik imārat ki uThānī hai sar-e-dasht-e-vajūd
so ġham-e-jāñ tujhe buniyād kiyā hai ham ne
Ghazal
 har ghaDi ek sitam ijad kiya hai humne
hai is anjuman meñ yaksāñ adam-o-vajūd merā
ki jo maiñ yahāñ na hotā yahī kārobār hotā
Ghazal
 jo bhale bure ki aTkal na mera shiar hota
tumhārī ḳhāmosh sulagtī sāñsoñ meñ
apne vajūd kā ehsās DhūñDhtā rahtā huuñ
Nazm
 justuju
ye mire vajūd kā mas.ala bhī ajiib hai
jo maiñ chāhtā huuñ vo dūsrā nahīñ chāhtā
Ghazal
 wo mere hisab mein intiha nahin chahta
ik kitāb-e-vajūd hai to sahī
shāyad is meñ duā kā baab nahīñ
Ghazal
 sab chale jao mujh mein tab nahin
merā honā bhī na hone ke barābar hai vahāñ
dekheñ jo log vajūd aur adam dekhte haiñ
Ghazal
 dost KHush hote hain jab dost ka gham dekhte hain
achchhā bhalā paḌā thā maiñ apne vajūd meñ
duniyā ke rāste pe mujhe rakh diyā gayā
Ghazal
 kaghaz tha main diye pe mujhe rakh diya gaya
mire vajūd ko sadiyoñ kā silsila de kar
vo kaun hai jo mujhe lā-zavāl kartā hai
Ghazal
 zara si baat ho kya kya sawal karta hai
bikhre hue the log ḳhud apne vajūd meñ
insāñ kī zindagī kā ajab bandobast thā
Ghazal
 mishal-ba-kaf kabhi to kabhi dil-ba-dast tha
'asad' vo kaisā tilismī vajūd rakhtā hai
usī se buġhz-o-adāvat usī se pyaar bhī hai
Ghazal
 wo ek shaKHs jo manzil bhi rahguzar bhi hai
jis meñ chhupā huā ho vajūd-e-gunāh-o-kufr
us mo'atabar libās pe tezāb Daal do
Sher
 jis mein chhupa hua ho wajud-e-gunah-o-kufr
badan kī āstīn meñ ye ruuh saañp ban ga.ī
vajūd kā yaqīñ huā vajūd ḳhatm ho gayā
Ghazal
 ada hua na qarz aur wajud KHatm ho gaya
adā huā na qarz aur vajūd ḳhatm ho gayā
maiñ zindagī kā dete dete suud ḳhatm ho gayā
Ghazal
 ada hua na qarz aur wajud KHatm ho gaya
būd-o-nabūd kā hisāb maiñ nahīñ jāntā magar
saare vajūd kī nahīñ mere adam kī haañ meñ hai
Ghazal
 ek guman ka haal hai aur faqat guman mein hai
mujh ko mire vajūd se jo kar gayā judā
kaisā vo bā-kamāl thā vāpas na aa sakā
Ghazal
 ek lamha-e-visal tha wapas na aa saka
shāyad tujhe ho dastaras apne vajūd par
mujh ko to is nazar pe nahīñ iḳhtiyār bhī
Ghazal
 chehre se kab ayan hai mere iztirar bhi
Top Urdushayar.com