Tags-Wajood

tū thā to thā vajūd meñ ik aa.ina mire
ab ġhaflatoñ se miltī hai apnī ḳhabar mujhe

TūTtā rahtā hai mujh meñ ḳhud mirā apnā vajūd
mere andar koī mujh se barsar-e-paikār hai

tavāf-e-ka.aba ko dekh to le taḌap rahā hai vajūd merā
na paañv ab mere uTh rahe haiñ na sāmne ghar vo aa rahā hai

ya.anī mirā vajūd hī mashkūk ho gayā
ab to maiñ apne-āp se bezār tak nahīñ

maiñ apne aap hī apnā vajūd bech aayā
mujhe rakhā mire apnoñ ne be-ḳhabar kaisā

mire vajūd se aatī hai ik sadā mujh ko
ki mere jism se kar de koī judā mujh ko

jo rañg mujh meñ sañvar rahe the vo shaam hote hī kho ga.e haiñ
jo sham.a mere vajūd meñ jal rahī hai kis sub.h tak jalegī

vajūd ab mirā lā-fanā ho gayā
fanā ho ke juzv-e-baqā ho gayā

huā āshkārā adam se vajūd
likhā thā jo taqdīr kā ho gayā

kamāl darja thā us meñ shu.ūr-e-tīsha-garī
mire vajūd ko vo paash paash chhoḌ gayā

tai marhala kiyā hai adam se vajūd kā
pahuñchā huuñ tab maiñ manzil-e-nā-hast-o-hast par

tū kaf-e-ḳhāk o be-basar maiñ kaf-e-ḳhāk o ḳhud-nigar
kisht-e-vajūd ke liye āb-e-ravāñ hai tū ki maiñ

ye hai kashtī vajūd kī 'jānāñ'
ye phaTā dil kā bādbān paḌā

tarāshtī hī rahīñ us kī uñgliyāñ mujh ko
mirā vajūd kisī ke hunar meñ rakkhā gayā

maiñ terī āñkhoñ se apnā vajūd dekhtī huuñ
tire laboñ kī hañsī bhī sambhāl rakhtī huuñ

chaltī hai rauñdtī hue pal pal mirā vajūd
har saañs ḳhvāhishāt kā lashkar liye hue

auroñ se to ijtināb thā hī
ab apne vajūd se ḳhafā huuñ

mirā vajūd tumhārī baqā kā zāmin hai
tumhāre an-kahe jazboñ kā aa.ina maiñ huuñ

vo daur-e-tesha-girī hai ki aadmī kā vajūd
har ek samt se TuuTā dikhā.ī detā hai

har saañs ik hujūm-e-pareshāñ dhuāñ kā thā
apnā vajūd sāneha jalte makāñ kā thā