Tags-Waqt

gayā ziist kā āḳhirī moḌ kah kar
kisī ke liye vaqt Thahrā nahīñ hai

ye terī merī judā.ī kā naqsh hai bādal
baras rahā hai ba-yak-vaqt vaañ bhī chhā.e hue

ye vaqt kyā hai
ye kyā hai āḳhir ki jo musalsal guzar rahā hai

zindagī aur maut meñ ik umr se thī kashmakash
vaqt par do hichkiyoñ ne paak jhagḌā kar diyā

vaqt har zaḳhm ko bhar detā hai kuchh bhī kiije
yaad rah jaatī hai halkī sī chubhan kī had tak

aur to dil ko nahīñ hai koī taklīf 'adam'
haañ zarā nabz kisī vaqt Thahar jaatī hai

hai yahī vaqt-e-amal johd-e-musalsal kī qasam
be-sahāroñ kī tarah haath na malte rahnā

naġhma-e-ishq na ho ek hī dhun par qaa.im
vaqt ke saath zarā raag badalte rahnā

pilā saaqī ki shaġhl-e-mai-kashī kā vaqt jaatā hai
yūñhī chhā.ī rahe kaalī ghaTā ye ho nahīñ saktā

jab barkhā kī rut aatī hai jab kaalī ghaTā.eñ uThtī haiñ
jis vaqt ki rindoñ ke dil se hū-haq kī sadā.eñ uThtī haiñ

azaañ hone lagī mehrāb-e-jāñ meñ
mirā vaqt-e-namāz aane lagā hai

vo vaqt mirī jaan bahut duur nahīñ hai
jab dard se ruk jā.eñgī sab ziist kī rāheñ

vaqt-e-ruḳhsat thā hamāre bāhar andar itnā shor
kuchh kahā thā us ne lekin jaane kyā kah kar gayā

vaqt pe kaam nahīñ aate haiñ
ye jāne-pahchāne log

ghaḌī kī sūiyāñ Tik-Tik sunā rahī haiñ mujhe
guzarte vaqt se shāyad Darā rahī haiñ mujhe

rāst-keshoñ kī tuf-e-āh se Dar ai sarkash
tiir phirtā nahīñ jis vaqt nishāñ par aayā

har ik vaqt mujh āshiq-e-pāk kuuñ
pyāre tirī baat pyārī lage

har jagah hāzir huuñ maiñ apne misālī tan ke saath
fāsle aur vaqt be-ma.anī haiñ manzil kī taraf

ik gul pe qanā.at hai kahāñ bahtī havā ko
har-vaqt liye phirtī hai do-chār kī ḳhushbū

'rasā' hājat nahīñ kuchh raushnī kī kunj-e-marqad meñ
bajā.e-sham.a yaañ dāġh-e-jigar har vaqt jalte haiñ