Tags-Waqt

dāvā-e-ḳhūñ-bahā na tazallum na ehtijāj
kis be-navā-e-vaqt kā 'ibrat' ye qatl hai

dam-ba-dam uThte haiñ tūfān jo 'barq' ashkoñ ke
nuuh kā vaqt nahīñ aañkh hai tannūr nahīñ

vaqt mumkin kahāñ guzāre to
jaise maiñ ne guzār kar dekhā

vaqt mumkin kahāñ guzāre to
jaise maiñ ne guzār kar dekhā

vaqt-juārī kī baiThak meñ jo aayā so haar gayā
'aḳhtar' ik din maiñ bhī dāman jhaaḌ ke niklā ek taraf

shahr meñ amn-o-amāñ ho ye zarūrī hai magar
hākim-e-vaqt ke māthe pe likhā hī kuchh hai

tum to ai mehrbān anūThe nikle
jab aan ke paas baiThe rūThe nikle

log lamhoñ meñ zinda rahte haiñ
vaqt akelā isī sabab se hai

jab hameñ koī tavaqqo hī nahīñ thī tum se
aise us vaqt bhī hālāt hamāre nahīñ the

vaqt ke dar par bhī hai bahut kuchh vaqt ke dar se aage bhī
shām-o-sahar ke saath bhī chaliye shām-o-sahar se aage bhī

ishq ne rāh-e-vafā samjhā.ī samjhāne ke ba.ad kahā
vaqt paḌā to jaanā hogā rāhguzar se aage bhī

jo vaqt 'nazīr' in bātoñ kī ham ḳhuub kareñge hushyārī
jo harf zabāñ par lāoge tum phir kyūñkar dikhlāoge tum

tadbīr hamāre milne kī jis vaqt koī Thahrāoge tum
ham aur chhupeñge yahāñ tak jī jo ḳhuub hī phir ghabrāoge tum

nau-vārid-e-hastī uTh kis vahm meñ baiThā hai
hotī hai azaañ sun le chal vaqt-e-namāz aayā

vo din bhī the ki ta.alluq thā ham-navāoñ se
ye vaqt bhī hai ki ab koī ham-zabāñ na rahā

us laḌkī ko bhuul jaanā chāhiye
jo vaqt ko

nisf nahār pe yuuñ lagtā hai sūraj bhī
vaqt kī āb-o-tāb meñ uljhā baiThā hai