Collections

Lab Shayari

Motivational Ghazals

Best Khamoshi Shayari

More Collections

Tags-Waqt

vaqt koh-e-girāñ sahī 'mohsin'
āb-e-jū kī tarah safar to kar

tu kabhi KHud ko be-KHabar to kar

vaqt-e-zavāl hai ham khilvāḌ dekhte haiñ
uThiye ki ye tamāshā yuuñ hī lagā rahegā

uTh ja ki ab ye mauqa hathon se ja rahega

farāġhatoñ ke din ga.e
ga.iiñ vo kunj-e-vaqt kī safed riish sā.ateñ

hamare din guzar gae

use bhī kahnā thā apnā ḳhayāl rakhne ko
bichhaḌte vaqt mujhe hausla bhī karnā thā

kuchh is pe sochna tha mashwara bhi karna tha

ye kaun vaqt kī sūrat mujhe badaltā hai
ye kyā kisī ke liye kuchh huuñ kuchh kisī ke liye

na tirgi ke liye hun na raushni ke liye

ab kaheñ kyā us se hamdam dil lagāte vaqt-e-āh
thā jo kuchh kahnā so vo to ham ne pahle kah diyā

kuchh to ho kar du-badu kuchh Darte Darte kah diya

amaan kahte haiñ jis ko bas ik tasavvur hai
ki yuuñ Thahar sā gayā vaqt imtihānoñ kā

badan mein awwalin ehsas hai takanon ka

vaqt kī sarsoñ phuul rahī hai
jism alag hai jaan alag hai

mere gham-KHwar

tere jhoñkoñ ne uḌāyā hai jise vaqt-e-sahar
ai sabā ḳhaak vo mere dil-e-bīmār kī thī

tere aashiq ko talab gul ki na gulzar ki thi

vaqt baḌhtā rahā mausam mausam
na.ī rut aa.ī na.e phuul khile

waqt baDhta raha mausam mausam

aur bhī yāroñ se kahnā vaqt pe sab aa mileñ
mere ghar ke sahn meñ ik ḳhvāb kī tadfīn hai

aaj shab-e-mearaj hogi is liye tazin hai

ek rut aa.ī ki ḳhushbū kī tarah phail ga.e
aur phir vaqt kī maujoñ ke havāle hue log

yaad aate hi rahe dil se nikale hue log

jab satātī hai kisī kī yaad tanhā.ī ke vaqt
āñsuoñ ke haar palkoñ se piro letā huuñ maiñ

aansuon se dil ke in daghon ko dho leta hun main

tū bhī ho maiñ bhī huuñ ik jagah pe aur vaqt bhī ho
itnī gunjā.isheñ rakhtī nahīñ duniyā mire dost!

tu bhi ho main bhi hun ek jagah pe aur waqt bhi ho

vo kahānī vaqt kā jis meñ tasavvur hī nahīñ
us kahānī meñ hameñ kirdār karnā paḌ gayā

kaisa kaisa dar pas-e-diwar karna paD gaya

ḳhuub daryāft jo kiyā ham ne
vaqt-e-ḳhush 'mīr' nik.hat-e-gul thā

jab junun se hamein tawassul tha

jo māhtāb meñ hai vaqt-e-shab jamāl tirā
hai sub.h-dam vahī ḳhurshed meñ jalāl tirā

jo mahtab mein hai waqt-e-shab jamal tera

phir ham ne rāste kā koī usuul toḌā
phir vaqt ne hamārā chālān kar diyā hai

hum ko bara-e-duniya be-jaan kar diya hai

phuuT kar rote hue dekh liyā hai mujh ko
chheḌne ko mire har-vaqt hai barsāt kī baat

subh hai raat kahan ab wo kahan raat ki baat

aa.e haiñ sunte ki aisā vaqt bhī aatā hai jab
ho davā yā phir duā kuchh kārgar hotā nahīñ

aae hain sunte ki aisa waqt bhi aata hai jab