Tags-Waqt

yaad kī lahr bahā laa.ī hai kis des mujhe
hai yahāñ vaqt kā bahtā huā dariyā patthar

nazar jo paḌ jaa.e us ke qāmat pe bas qayāmat hī aa.e 'anjum'
zamīñ meñ gaḌ jaa.e sarv ḳhajlat se us kī vaqt-e-ḳhirām aadhā

vaqt kī tez havāoñ ne ajab moḌ liyā
phuul se haath jo the un meñ bhī patthar nikle

soch lo
hai vaqt ab bhī

yaar tanhā hai phir aisā nahīñ milne kā vaqt
sharm hotī hai merī māna-e-guftār abas

mehrbāñ ho ke bulā lo mujhe chāho jis vaqt
maiñ gayā vaqt nahīñ huuñ ki phir aa bhī na sakūñ

vaqt kā patthar bhārī hotā jaatā hai
ham miTTī kī sūrat dete jaate haiñ

raat aur din ke kināroñ ke ta.alluq kī qasam
vaqt milte haiñ to milne kī duā kartā huuñ

ek bastī thī huī vaqt ke andoh meñ gum
chāhne vaale bahut apne purāne the udhar

vaqt kab intizār kartā hai
vaqt kā intizār mat karnā

vaqt denā to terā dil badlā
bas vo jazba mirā bachā kyuuñ hai

vaqt rahte samajh nahīñ aatā
jo milā hai hameñ milā kyuuñ hai

umr bhar laḌtā rahā jo vaqt kī chaTTān se
kal mire kāñdhe pe us kī laash jaise phuul thī

vahī vaqt kī dhuup Dhaltī huī
vahī roz o shab kā ziyāñ har taraf

hai dhuup tez koī sā.ebān kaise ho
ye vaqt ham pe bhalā mehrbān kaise ho

afkār-e-nau-ba-nau ne kiyā vaqt rā.egāñ
kin uljhanoñ meñ fursat-e-auqāt bhī ga.ī

munsif-e-vaqt kī maġhrūr samā.at 'ḳhāvar'
gūñge mujrim se sadāqat kī navā māñge hai

jāgtī āñkhoñ se vābasta diyā māñge hai
vaqt-e-ummīd basārat kī duā māñge hai

aisā bhī vaqt aayā hai aksar hayāt meñ
sar apnā sū-e-dār kiyā hai kabhī kabhī

koī ik aadh to hogā mujhe jo raas aa jaa.e
bisāt-e-vaqt par haiñ jis qadar mohre chalūñgā maiñ