Tags-Waqt

ye āḳhirī vaqt aur ye be-hisī jahāñ kī
are mirā sard haath chhū kar koī to dekho

muñh jo ka.abe meñ khulā vaqt-e-azāñ
band nāqūs-e-kalīsā ho gayā

le chale do phuul bhī is bāġh-e-ālam se na ham
vaqt-e-rahlat haif hai ḳhālī hī dāmāñ rah gayā

ham udhar masrūf the aur vaqt kā sail-e-ravāñ
kyā patā kab chhīn kar ham se javānī le gayā

le ke jaate na agar saath vo yādeñ apnī
yaad karte unheñ aur vaqt guzārā karte

kab samāñ dekheñge ham zaḳhmoñ ke bhar jaane kā
naam letā hī nahīñ vaqt guzar jaane kā

aan kī aan guzartā hai zamāna is par
vaqt kī naql-e-makānī hai mire kuuze meñ

vaqt nāzuk hai ye kyā soch rahe ho 'shā.ir'
aisī zulmat meñ koī sham.a jalāte bhī nahīñ

pārsā.ī kā hamārī nahīñ duniyā meñ javāb
vaqt aa jaa.e to dāman ko bachāte bhī nahīñ

gañvā.ī zindagī kī sub.h kaise
ba-vaqt-e-shām batlāyā gayā huuñ

merī ye aarzū hai vaqt-e-marg
us kī āvāz kaan meñ aave

gesū the vo mufassir-e-vallail-izā-sajā
ruḳh se ayaañ the ma.anī-e-vashshams-o-va-zzuhā

ham tohfe meñ ghaḌiyāñ to de dete haiñ
ik duuje ko vaqt nahīñ de paate haiñ

vaqt jab karvaTeñ badaltā hai
fitna-e-hashr saath chaltā hai

nayā rañg thā us kā kal vaqt-e-ruḳhsat
ki jaise kisī baat par barhamī hai

phuul kahāñ se aa.e the aur kahāñ chale ga.e
vaqt na thā ki dekhtā paudoñ kī dekh-bhāl maiñ

vo vaqt duur nahīñ jab zamīn vāloñ par
makān TūTegā aur lā-makān barsegā

apnī bakrī kā muñh chiḌāte vaqt
kyā ḳhush aatī hai ye tumhārī ''meñ''

''ye shahr sūraj kā shahr hai is ke roz-o-shab kā pata nahīñ hai
na aaj tak vaqt aur tārīḳh kā mujhe ilm ho sakā hai

tū mujhe bante bigaḌte hue ab ġhaur se dekh
vaqt kal chaak pe rahne de na rahne de mujhe