Tags-Waqt

tire shikve se vaqt-e-naz.a mujh ko sharm aa.egī
ki apne dāġh-e-dil phir āñsuoñ se dho rahā hūñgā

kisī manzil pe ham ko mustaqil rahne nahīñ detā
na jaane vaqt ko ham be-gharoñ se kyā shikāyat hai

lafz to lafz haiñ kāġhaz se bhī ḳhushbū phūTe
safha-e-vaqt pe vo phuul khilā.e rakhnā

tere ḳhayāloñ ke parde se jab ġham-e-duniyā jhāñk uThā
ruk ga.ī jaise vaqt kī gardish ho ga.ī dil par bhārī raat

dekhte rah ga.e 'yās' aap ne achchhā na kiyā
Dūbte vaqt kisī ko to pukārā hotā

kiyā 'munavār' abhī bālīdgī-e-shauq kā zikr
kis qadar vaqt shajar bahr-e-numū lete haiñ

sab haiñ shāhid ke bhulāne kā bahāna kar ke
maiñ ne har vaqt tirā naam liyā hai ki nahīñ

beh hue kab daaġh mere jism ke
ye shajar har vaqt phaltā hī rahā

ai mire hausla-e-ġham hai yahī vaqt-e-vafā
zahr hī hāsil-e-sad-umr-e-tamannā na bane

vaqt ko zid hī badal do rasm-e-arz-e-mudda.ā
dil ye kahtā hai ki hañgāma kahāñ paidā kareñ

ab bhī lamhoñ se salāsil kī khanak aatī hai
ab bhī haiñ vaqt ke zindāñ meñ giraftār bahut

kisī mahkī huī chhāñv meñ Thahar ke ham bhī
sañg-dil vaqt kā andāz-e-jafā bhuul ga.e

bisāt-e-vaqt pe sadiyoñ ke fāsle ham log
kanār-e-shām-o-sahar meñ kahāñ Dhale ham log

ghaḌī par vaqt dekho kyā huā hai
mujhe jaanā hai ghar kā mas.ala hai

vaqt pūjegā hameñ vaqt hameñ DhūñDegā
aur tum vaqt ke ham-rāh chaloge yaaro

kise ḳhabar thī ki zehn-o-dil meñ ajiib sā intishār hogā
vo vaqt aa.egā be-yaqīnī kā chār-jānib ġhubār hogā

hāl-e-dil kahne ko kahte ho to kab tum mujh ko
haa.e jis vaqt nahīñ tāb-e-takallum mujh ko

vaqt kī ḳhāna-bandī saarī ab ke safar meñ dhuul huī
maazī kaisā haal kahāñ kā fardā pīchhe chhūT gayā

zaḳhm ik aisā hai jis par kaam ab kartā nahīñ
vaqt kā marham zarā sā kaam kar jaane ke ba.ad

maut to phir bhī apne vaqt pe aatī hai
maut kā aadhā kaam to ġham kar detā hai