Tags-Waqt

pahle jin sāñchoñ se ham katrāte haiñ
vaqt ke saath inhī meñ Dhalte jaate haiñ

vaqt ke saath fuzūñ hotā hai ehsās-e-ziyāñ
fahm-o-idrāk hī ġhārat-gar-e-insāñ hai to kyā

nahīñ ma.alūm kis ko tāḌte haiñ kis se va.ada hai
ba-vaqt-e-shām paas aa kar jo vo chilman ke baiThe haiñ

bas ye hī soch ke har vaqt tujhe yaad kiyā
apnī yādoñ ke ta.āqub meñ kabhī to aa.e

kāñTā nikal bhī jā.egā jab vaqt aa.egā
kāñTe ke dil meñ bhī koī kāñTā chubhā to hai

lutf ārām kā tū kyā jaane
kabhī ai vaqt Thahr mere saath

yahī hai vaqt bolo 'farhat-ehsās'
ki har jānib kamīne bolte haiñ

raqs kartī haiñ ishāroñ par mire maut-o-hayāt
dekhtī rahtī huuñ maiñ har-vaqt nabz-e-kā.enāt

dar aayā añdherā āñkhoñ meñ aur sab manzar dhundlā.e haiñ
ye vaqt hai dil ke Dūbne kā aur shaam ke gahre saa.e haiñ

kabhī sab chhīn letā huuñ kabhī ne.amat luTātā huuñ
mujhe sab vaqt kahte haiñ maiñ uñglī par nachātā huuñ

jinheñ saath chalnā ho chalte raheñ
ghaḌī vaqt kī kis kī ḳhātir rukī

koī vaqt batlā ki tujh se malūñ
mirī dauḌtī bhāgtī zindagī

fursat ke lamhāt kamāne kī ḳhātir
achchhā-ḳhāsā vaqt hamārā lagtā hai

vaqt ke maqtal meñ ham haiñ dosto
vaqt ik din ham ko bhī khā jā.egā

ye pyaas dhuup safar dasht aur maiñ tanhā
ġhanīm vaqt kā ik ik hisāb jhel gayā

mad-hoshī meñ ehsās ke ūñche ziine se gir jaane de
is vaqt na mujh ko thaam ki saaqī raat guzarne vaalī hai

ye vaqt nahīñ hai bātoñ kā palkoñ ke saa.e kaam meñ lā
ilhām koī ilhām ki saaqī raat guzarne vaalī hai

havā-e-vaqt ne patthar banā diyā varna
lachaktī shāḳh se TuuTā huā samar thā maiñ

laakh zamāna zulm Dhaa.e vaqt na vo ḳhudā dikhā.e
jab mujhe ho yaqīñ ki tū hāsil-e-zindagī nahīñ

ye pās-e-dīñ tirā hai sab us vaqt tak ki shaiḳh
dekhā nahīñ hai tū ne vo kāfir farañg kā