Tags-Waqt

ho chuke 'hālī' ġhazal-ḳhvānī ke din
rāgnī be-vaqt kī ab gaa.eñ kyā

har vaqt miyāñ ḳhuub nahīñ gāliyāñ denī
kyā bakte ho tum yaava zabāñ apnī sambhālo

dar-e-mahbūb pe har vaqt paḌe rahnā 'jigar'
ya.anī us dar ko dar-e-ka.aba banā.e rakhnā

sur to badle haiñ na badleñge magar vaqt ke saath
zulm ke haath meñ shamshīr badal jaatī hai

tirā ḳhāmoshiyoñ ko vaqt denā
sadāoñ ko akhartā jā rahā hai

lahū meñ Duub ke mazlūm surḳh-rū nikle
salīb-e-vaqt pe zālim kī zaat sharminda

hāsil kar ke tujh ko ab sharminda sā huuñ
thā ik vaqt ki sach-much tere qābil thā maiñ

'sardār-ayāġh' vaqt-e-safar jab azaañ huī
ruknā paḌā mujhe kisī had ke baġhair bhī

chaman to nīm-nigāhī ne kar diyā taqsīm
ḳhudā-e-vaqt koī aur vaar baaqī hai

vo āñkheñ bhī khulīñ badlī jo vaqt ne karvaT
idhar nahīñ ab idhar intizār baaqī hai

abhī to āñkhoñ meñ nā-dīda ḳhvāb baaqī haiñ
jo vaqt likh nahīñ paayā vo baab baaqī haiñ

vahī to vaqt kī be-chehragī hai apnī shanāḳht
ki jis pe ab bhī hazāroñ naqāb baaqī haiñ

Tapak paḌte haiñ vaqt-e-sub.h aañsū
ye aadat misl-e-shabnam ho ga.ī hai

rū-ba-rū chashm-e-tasavvur ke vo har vaqt rahe
na sahī aañkh ne gar un kā nazārā na kiyā

guzishta saal rahā jin pe tañg arsa-e-vaqt
vo saare ḳhvāb ba-ta.abīr ab ke saal meñ haiñ

ik qayāmat vaqt se pahle bapā hone ko hai
ai ḳhudā.e mehrbāñ ab aur kyā hone ko hai

maslahat-kosh hue vaqt ke chehre 'sālim'
aks ā.īna-e-bebāk se bāhar na hue

kaam aa.ī na koī vaqt kī chārā-juī
zaḳhm-e-kohnā dil-e-sad-chāk se bāhar na hue

zehn-e-ḳhufta ne hama-vaqt sa.ī kī lekin
fikr ke zāviye idrāk se bāhar na hue

mujhe chhū ke vaqt guzar gayā zarā ruk ke umr nikal ga.ī
jo rahā to paas yahī rahā kabhī apnā dukh kabhī sab kā ġham